ოფიციალურად — ედინ ჯეკო ფიორენტინას ფეხბურთელია! მხარეებს შორის 1-წლიანი ხელშეკრულება გაფორმდა. ვეტერანი ბოსნიელი ფეხბურთელი იტალიურ კლუბში თავისუფალი აგენტის სტატუსით გადაბარგდა. 39 წლის ფეხბურთელმა ფენერბაჰჩესთან კონტრაქტი ივნისის თვეში გაწყვიტა.
Edin Dzeko è Viola💜⚜️#forzaviola #fiorentina pic.twitter.com/4qzm9rEogn
— ACF Fiorentina (@acffiorentina) July 10, 2025
შეგახსენებთ, ედინ ჯეკოს იტალიაში თამაშის საკმაოდ დიდი გამოცდილება აქვს. ბოსნიელი ფორვარდი 2015-2021 წლებში რომაში თამაშობდა, ხოლო 2021-2023 წლებში ინტერის ღირსებას იცავდა.
ფიორენტინაში ახალი სეზონისთვის აქტიურად ემზადებიან. "ვიოლას" ახალი მთავარი მწვრთნელი სტეფანო პიოლი იქნება. ფლორენციული კლუბი მიმდინარე სატრანსფერო ფანჯრის დროს 5-6 ფეხბურთელს კიდევ დაიმატებს.
