შეთანხმება შედგა, მაქსენს ლაკრუა კრისტალ პალასიდან კარიერას ჩელსიში გააგრძელებს! ფრანგი ფეხბურთელი სამედიცინო შემოწმებას უახლოეს საათებში გაივლის, რის შემდეგაც ლონდონურ კლუბთან გრძელვადიან კონტრაქტს გააფორმებს.
ჩელსი 26 წლის ფეხბურთელის სანაცვლოდ დაახლოებით £55/60 მილიონს გადაიხდის.
მას შემდეგ, რაც 2024 წელს ლაკრუა კრისტალ პალასში გადაბარგდა, ფრანგმა მცველმა ინგლისურ ფეხბურთს საკმაოდ მარტივად აუღო ალღო და მალევე იქცა ჩემპიონატის ერთ-ერთ გამორჩეულ მცველად. იმის გათვალისწინებით, რომ ჩაბი ალონსო 3-მცველიანი სათამაშო სქემით თამაშობს, ესპანელმა სპეციალისტმა დაცვის ხაზში ორი ახალი მოთამაშის დამატება მოითხოვა. შესაბამისად, ჩელსი ლაკრუას გარდა უახლოეს კვირებში კიდევ ერთ მცველსაც გაიფორმებს.
შეგახსენებთ, ჩელსიმ მარკო პალესტრას და მორგან როჯერსის ტრანსფერები უკვე დახურა, თუმცა ლონდონელები ამაზე გაჩერებას არ აპირებენ და მინიმუმ კიდევ 5-6 ახალი მოთამაშის დამატებას გეგმავენ.
