საქართველოს კიბერ ფეხბურთის ფედერაცია დღეს, 18 მარტს, იწყებს საქართველოს პროფესიონალურ CyberLeague-ს. 20:00 საათზე ჩვენი ქვეყნის საუკეთესო EA FC 25-ის მოთამაშეები დაიწყებენ ბრძოლას ევროპის ჩემპიონატის საკვალიფიკაციო ეტაპზე გასასვლელად.
UEFA-სა და EA-ს გაიდლაინებს შესაბამისად, პროფესიონალური ლიგის ეს სეზონი ჩატარდება "ლიგის ფაზას" + "ფლეი-ოფის" ფორმატში. თორმეტივე მონაწილე ამ ტურნირში წარადგენს სხვადასხვა კლუბს.
პრეს-რელიზი ფორმატის შესახებ გვიამბობს:
“მოთამაშეები ლიგის ფაზის ეტაპზე გადანაწილდებიან 3 პოტში რეიტინგის მიხედვით, გამართავენ თითოეულ პოტთან 2 მატჩს, ჯამში 6 მატჩს.
ფლეიოფში გადავა 8 მოთამაშე, 3 მოთამაშე წარადგენს საქართველოს საერთაშორისო ტურნირზე, ხოლო გამარჯვებული საქართველოს ნაკრებს წარადგენს "ევროპის ჩემპიონატის" საკვალიფიკაციო ეტაპზე.”
თქვენ შეგიძლიათ თვალი ადევნოთ მატჩებს საქართველოს კიბერ ფეხბურთის ფედერაციის ოფიციალურ YouTube და Facebook გვერდებზე.
საქართველოს კიბერ ფეხბურთის ფედერაცია პროფესიონალურ კიბერ ლიგას იწყებს
