UFC-ში სადებიუტო ბრძოლაში გამარჯვების შემდეგ, მაგომედ ზაინუკოვმა მიმართა ბინძურ ხერხს, სახელწოდებით "სხვისი სახელის ხარჯზე, საკუთარი თავის რეკლამა". დაღესტნელმა მსუბუქწონოსანმა ეს ყველაფერი გააკეთა ილია თოფურიას ხსენების დახმარებით, რითაც ყურადღება მართლაც მიიქცია.
"ჩანკომ" აღნიშნა, რომ მან დაამარცხა ქართველი მებრძოლის გუნდის წევრი, დამიან რჟეპეცკი, თუმცა გააკეთა ეს ისეთი იაფფასიანი პათოსით, თითქოს თავად 2 დივიზიონის ექს-ჩემპიონისთვის მოეგოს. ნარატივი იყო ასეთი: მე ნურმაგომედოვების გუნდის წევრი ვარ, შენ კი თოფურიების და წააგე.
31 წლის მებრძოლმა მოგვიანებით კიდევ უფრო ღრმად შეტოპა და დაიწყო ისტორიების მოყოლა მახაჭკალის ქუჩებში გამოვლილ რთულ ცხოვრებაზე, რომლის გავლა 2 დივიზიონის ქართველ ექს-ჩემპიონს თითქოს გაუჭირდებოდა. ამ ყველაფრის შემდეგ, ისმის კითხვა: როგორ წარიმართებოდა კავკასიელი მებრძოლების კარიერა, რომ არა ილიას ხარჯზე პიარის ფაქტორი?
არმან ცარუკიანი, უმარ და უსმან ნურმაგომედოვები, მოვსარ ევლოევი, შარა მაგომედოვი, ბიბერტ ტუმენოვი, ახლა უკვე ზაინუკოვიც და კიდევ ბევრი. რა აერთიანებთ მათ? თითოეული მათგანი ცდილობს "მატადორის" ან მერაბ დვალიშვილის სახელის ხსენების ხარჯზე პოპულარობას, თანაც იაფფასიანი, ბინძური პროვოკაციებით.
მტრები განსაკუთრებით გააქტიურდნენ მას შემდეგ, რაც 29 წლის ყოფილი ჩემპიონი ჯასტინ გეიჯისთან დამარცხდა. გულის სიღრმეში ყველამ კარგად იცის, რომ თოფურია სხვა დონეზეა და სწორედ ამიტომაც არის წარმოუდგენელი მათი კარიერა მისი სახელის ხსენების გარეშე. "როცა ლომი დაჭრილია, ტურები ზეიმობენ", ეს კიდევ ერთხელ დამტკიცდა.
🗣️ "HEY ILIA TOPURIA!" 👋 👊 #UFCAbuDhabi
— UFC Europe (@UFCEurope) July 26, 2026
What a debut from Magomed Zaynukov last night! @VisitAbuDhabi | @InAbuDhabi | #InAbuDhabi pic.twitter.com/ygpTNrHwar
