Red Bull Padel Dash-ის სამოყვარულო ტურნირი დასრულებულია. მსოფლიო ფინალის საგზური, ქალთა კატეგორიიდან, მარიამ კაპანაძემ და თეკლა ჯიხვაშვილი, ხოლო ვაჟთა შორის, ნიკოლოზ ყაჭეიშვილმა და ვატო ოკუჯავამ მოიპოვეს. ორი წარმატებული გუნდი ახლა საქართველოს სახელით Red Bull Padel Dash-ის მსოფლიო ფინალისთვის ემზადება. პადელის მოყვარული მოთამაშეები ნოემბერში კატარში გაემგზავრებიან და 20 ქვეყნის წარმომადგენლებს შორის იასპარეზებენ.
გადამწყვეტი მატჩები GymBreeze-ზე გაიმართა, სადაც ვაჟთა და ქალთა 8-8 გუნდი იასპარეზობდა. შესარჩევი ეტაპისაგან განსხვავებით, ტურნირის ფინალი Red Bull Padel Dash-ის წესების მიხედვით ჩატარდა. მატჩები ოთხ კორტზე ერთდროულად მიმდინარეობდა. თამაში 16 ქულამდე ან 7 წუთის ამოწურვამდე გრძელდებოდა. 16 ქულის აღებისთანავე, მოთამაშეები ანგარიშს სპეციალურ წითელ ღილაკზე ხელის დაჭერით აფიქსირებდნენ, რაც წესების მიხედვით ერთ დამატებით ქულას ნიშნავს. დანარჩენი მოთამაშეებისთვის კი მატჩი მომენტალურად ჩერდება და გუნდებს ის ანგარიში უფიქსირდებათ, რა ქულებიც მატჩის გაჩერებისას ჰქონდათ.
Red Bull Padel Dash-ის ტურნირი მოყვარული, B და C კატეგორიის მოთამაშეებისათვის არის განკუთვნილი და როგორც ქალთა, ისე ვაჟთა გუნდებს აერთიანებს. ტურნირში ჩართულები იყვნენ სტუდენტებიც და მათთვის მონაწილეობა უფასო იყო. საერთო ჯამში შესარჩევ ეტაპზე 71 გუნდი და 142 მოყვარული მოთამაშე მონაწილეობდა. შესარჩევი ეტაპის თამაშები სამ სხვადასხვა ლოკაციაზე გაიმართა და მატჩები კლასიკური ფორმატით, საქართველოს პადელის ფედერაციის საშეჯიბრო წესდების სტანდარტების მიხედვით მიმდინარეობდა.
წინ მსოფლიო შეჯიბრებაა. საქართველოს ფინალში გამარჯვებულები წარმატების მოპოვებას კატარში შეეცდებიან. თამაშები სრულად Red Bull Padel Dash-ის წესების მიხედვით გაიმართება.
