შოთა არველაძე V არჩილ არველაძე (აიაქსი - ბრედა)
ძმები არველაძეები ერთმანეთს უპირისპირდებოდნენ 90-იანების ბოლოს, ერედივიზიონში, როდესაც ერთი ძმა თამაშობდა აიაქსში, მეორე კი - ბრედაში. სამჯერ ჯერ მოიგო შოთამ, ერთი მატჩიც ფრედ დასრულდა. მათი ბოლო დაპირისპირება გაიმართა 1999 წლის 23 მაისს და ანგარიშით 2:2 დასრულდა. ცნობისთვის, ანგარიში იმ თამაშში არჩილმა გახსნა.
ძმები არველაძეები ერთმანეთს უპირისპირდებოდნენ 90-იანების ბოლოს, ერედივიზიონში, როდესაც ერთი ძმა თამაშობდა აიაქსში, მეორე კი - ბრედაში. სამჯერ ჯერ მოიგო შოთამ, ერთი მატჩიც ფრედ დასრულდა. მათი ბოლო დაპირისპირება გაიმართა 1999 წლის 23 მაისს და ანგარიშით 2:2 დასრულდა. ცნობისთვის, ანგარიში იმ თამაშში არჩილმა გახსნა.
ზურიკო დავითაშვილი V გიორგი მიქაუტაძე (სენტ-ეტიენი/ბორდო - ლიონი/მეცი)
რონული დერბი ქართველი ლეგიონერების მონაწილეობით, რომელიც მიქაუტაძის ლიონის გამარჯვებით დასრულდა. დავითაშვილმა ითამაშა შეუცვლელად, ჟორჟი კი მოედანზე მე-80 წუთზე გამოჩნდა. საინტერესოა ისიც, რომ აღნიშნული დუეტი ერთმანეთს ლიგა 2-შიც შეხვედრილა, იმ დროს, როდესაც ოლიმპიკის ფორვარდი თამაშობდა მეცში, ზურიკო კი - ბორდოში.
ოთარ კაკაბაძე V გიორგი პაპუნაშვილი (ხიმნასტიკი - სარაგოსა)
საქართველოს ნაკრების წევრები ლა ლიგა 2-ში ადრეც თამაშობდნენ, საკმარისია გავიხსენოთ 2017 წლის სექტემბერში გამართული შეხვედრა, კაკაბაძის ხიმნასტიკსა და პაპუნაშვილის სარაგოსას შორის. მატჩი დასრულდა ფრედ, 1:1. ოთარმა ითამაშა 90 წუთი და მიიღო ყვითელი ბარათი, მისი თანამემამულე კი მოედანზე 65-ე წუთზე შემოვიდა.
თემურ ქეცბაია V შოთა არველაძე (დანდი - რეინჯერსი)
შოტლანდიის პრემიერ ლიგა, სეზონი 2001/2002, რეინჯერსი - დანდი. არველაძე და ქეცბაია ერთმანეთს ორჯერ შეხვდნენ - პირველ წრეში დაფიქსირდა უგოლო ფრე, მეორე წრეში კი მოიგო შოთას გუნდმა, ანგარიშით 2:1. ცნობისთვის, მან იმ მატჩში გოლიც გაიტანა.
შოტლანდიის პრემიერ ლიგა, სეზონი 2001/2002, რეინჯერსი - დანდი. არველაძე და ქეცბაია ერთმანეთს ორჯერ შეხვდნენ - პირველ წრეში დაფიქსირდა უგოლო ფრე, მეორე წრეში კი მოიგო შოთას გუნდმა, ანგარიშით 2:1. ცნობისთვის, მან იმ მატჩში გოლიც გაიტანა.
გიორგი ქინქლაძე V თემურ ქეცბაია (დერბი - ნიუკასლი)
შოტლანდიაში გადასვლამდე, ქეცბაია თამაშობდა ინგლისში, სადაც ნიუკასლ იუნაიტედის შემადგენლობაში ქინქლაძის დერბი ქაუნთის დაუპირისპირდა. მატჩი დასრულდა ფრედ, 0:0. გიორგიმ ითამაშა 46 წუთი, თემური კი 84-ე წუთზე შეცვალეს. ეს ყველაფერი 2000 წლის 5 მაისს მოხდა.
შოტლანდიაში გადასვლამდე, ქეცბაია თამაშობდა ინგლისში, სადაც ნიუკასლ იუნაიტედის შემადგენლობაში ქინქლაძის დერბი ქაუნთის დაუპირისპირდა. მატჩი დასრულდა ფრედ, 0:0. გიორგიმ ითამაშა 46 წუთი, თემური კი 84-ე წუთზე შეცვალეს. ეს ყველაფერი 2000 წლის 5 მაისს მოხდა.
ოთარ კიტეიშვილი V სანდრო ალთუნაშვილი (შტურმი - ვოლფსბერგერი)
ერთ მხარეს ავსტრიის ბუნდესლიგის მოქმედი ჩემპიონი და ლიგის ერთ-ერთი მთავარი ვარსკვლავი, კიტეიშვილი, მეორე მხარეს კი ალთუნაშვილი, რომელიც ევროპულ ფეხბურთში პირველ ნაბიჯებს დგამს. დინამოსა და საბურთალოს დაპირისპირებები რომ არ ჩავთვალოთ, ოთარმა და სანდრომ ერთმანეთის წინააღმდეგ 3 მატჩი ჩაატარეს. 2-ჯერ მოიგო შტურმის ლიდერმა, ერთხელაც - ვოლფსბერგერის შუახაზელმა.
ერთ მხარეს ავსტრიის ბუნდესლიგის მოქმედი ჩემპიონი და ლიგის ერთ-ერთი მთავარი ვარსკვლავი, კიტეიშვილი, მეორე მხარეს კი ალთუნაშვილი, რომელიც ევროპულ ფეხბურთში პირველ ნაბიჯებს დგამს. დინამოსა და საბურთალოს დაპირისპირებები რომ არ ჩავთვალოთ, ოთარმა და სანდრომ ერთმანეთის წინააღმდეგ 3 მატჩი ჩაატარეს. 2-ჯერ მოიგო შტურმის ლიდერმა, ერთხელაც - ვოლფსბერგერის შუახაზელმა.
ლევან კობიაშვილი V ალექსანდრე იაშვილი (შალკე/ჰერტა - ფრაიბურგი/კარლსრუე)
ამ ორ ფეხბურთელს ერთმანეთთან ნამდვილად ბევრი რამ აკავშირებს. კობიაშვილმა და იაშვილმა თანაგუნდელების რანგში ჩაატარეს 188 შეხვედრა, როგორც მეტოქეებმა კი - 10. ლევანი და ალექსანდრე მეტოქეები იყვნენ შალკესა და ფრაიბურგის დაპირისპირებების დროს, ასევე მაშინ, როდესაც ჰერტა კარლსრუეს ეთამაშებოდა.
ამ ორ ფეხბურთელს ერთმანეთთან ნამდვილად ბევრი რამ აკავშირებს. კობიაშვილმა და იაშვილმა თანაგუნდელების რანგში ჩაატარეს 188 შეხვედრა, როგორც მეტოქეებმა კი - 10. ლევანი და ალექსანდრე მეტოქეები იყვნენ შალკესა და ფრაიბურგის დაპირისპირებების დროს, ასევე მაშინ, როდესაც ჰერტა კარლსრუეს ეთამაშებოდა.
გიორგი ქოჩორაშვილი V გიორგი წიტაიშვილი (ლევანტე - გრანადა)
დაპირისპირება, რომელიც ლა ლიგა 2-ში შედგა. ქოჩორაშვილის ლევანტემ გასვლაზე დაამარცხა წიტაიშვილის გრანადა, თანაც ისე, რომ სტუმარმა ლეგიონერმა გოლი გაიტანა. აღსანიშნავია, რომ "ბაყაყებმა" "ნასრიდებს" მოუგეს მე-2 წრეშიც და გიორგიმ ამ მატჩშიც შეაგდო.
დაპირისპირება, რომელიც ლა ლიგა 2-ში შედგა. ქოჩორაშვილის ლევანტემ გასვლაზე დაამარცხა წიტაიშვილის გრანადა, თანაც ისე, რომ სტუმარმა ლეგიონერმა გოლი გაიტანა. აღსანიშნავია, რომ "ბაყაყებმა" "ნასრიდებს" მოუგეს მე-2 წრეშიც და გიორგიმ ამ მატჩშიც შეაგდო.
ხვიჩა კვარაცხელია V საბა გოგლიჩიძე (ნაპოლი - ემპოლი)
სერია ა-ს უკანასკნელი წლების ერთ-ერთი მთავარი ვარსკვლავი მიმდინარე სეზონის აღმოჩენის წინააღმდეგ. კვარაცხელიას ნაპოლი ესტუმრა გოგლიჩიძის ემპოლის, რომელსაც მინიმალური ანგარიშით მოუგო. მატჩის ერთადერთი ბურთი 11-მეტრიანით სწორედ ხვიჩამ გაიტანა.
სერია ა-ს უკანასკნელი წლების ერთ-ერთი მთავარი ვარსკვლავი მიმდინარე სეზონის აღმოჩენის წინააღმდეგ. კვარაცხელიას ნაპოლი ესტუმრა გოგლიჩიძის ემპოლის, რომელსაც მინიმალური ანგარიშით მოუგო. მატჩის ერთადერთი ბურთი 11-მეტრიანით სწორედ ხვიჩამ გაიტანა.
გიორგი მიქაუტაძე V ხვიჩა კვარაცხელია (ლიონი - პსჟ)
მართალია, მიქაუტაძის შემოსვლის მომენტისთვის კვარაცხელია მოედნიდან იყო გასული, თუმცა იმის გათვალისწინებით, თუ რა გავლენა მოახდინა თამაშზე ორივე ლეგიონერმა, ეს მატჩი აუცილებლად სახსენებელია. პარის სენ-ჟერმენის მხრიდან საუკეთესო იყო სწორედ ხვიჩა და მან ასისტის გაფორმებაც მოასწრო.
რაც შეეხება ჟორჟს, ის მოედანზე შემოვიდა მე-80 წუთზე და შეხვედრის მიმდინარეობაში გარდატეხა შეიტანა. ეფექტური საგოლე გადაცემა, მაკრატელათი გოლის გატანის მცდელობა და ბევრი სხვა...ქართველმა ფორვარდმა ჯიჯი დონარუმას კარებთან ეს ყველაფერი სულ რაღაც 15 წუთში გააკეთა.
