პრემიერ ლიგის ფენტეზი - რა უნდა გავითვალისწინოთ მე-15 ტურის წინ?

მე-15 ტურის მიმოხილვა

შუაკვირის პრემიერლიგურმა ტურმა ბევრი უსიამოვნო მოულოდნელობით დაგვამახსოვრა თავი:

❌ მარესკამ ჯექსონი „წმინდანებთან“ მატჩში დაასვენა. ჩელსიმ სოტონს 5 გოლი გაუტანა;
❌ ლივაი კოლვილმა (CHE) აქამდე გამართულ 13 მატჩში 90 წუთი დაჰყო მოედანზე, გუშინ კი ისიც სათადარიგოთა სკამზე აღმოჩნდა;
❌ როტაციაში მოყვა რობერტ სანჩესიც (CHE), თუმცა მარესკამ მატჩის შემდგომ დაადასტურა, რომ კვირას სპურსის წინააღმდეგ ესპანელი სასტარტოში იქნება.
❌ სიტიმ ნავსი გატეხა - ოთხმატჩიანი წაგებათა სერიის შემდეგ, ქალაქელებმა დამაჯერებელად გაიმარჯვეს, თანაც კარის მშრალად შენახვაც შეძლეს. პეპმა რიკო ლუისი (MCI) სასტარტოში არ ათამაშა.
❌ ფილ ფოდენი სიტის განაცხადში არ ყოფილა;
❌ ძირითადი შემადგენლობის მიღმა დარჩა, ტრენტიც ეს კი მის მფლობელებს დიდ თავისტკივილს უჩენს;
❌ დაზიანების გამო იუნაიტედთან დაპირისპირება გამოტოვა გაბრიელმაც. არსენალმა მორიგი მშრალად შენახული კარი მიითვალა;
❌ დენი ველბეკი ბრაიტონის განაცხადში არ ყოფილა;
❌ სონი და პედრო პორო ძირითად თერთმეტეულს მიღმა აღმოჩნდნენ;
❌ სემენიო, კლიუვერტის მოედანზე ყოფნის პერიოდში დაცვით ფუნქციებს ასრულებდა.
🚫 კუნიამ ზედიზედ მე-2 მატჩი ჩაატარა საგოლე მოქმედების გარეშე. ბრაზილიელი კვლავაც კარგად გამოიყურებოდა, თუმცა ბოლო ხანებია „მგლებს“ ფორმა აერიათ.

მე-14 ტურში ბევრი სასარგებლო რჩევა გაგიზიარეთ, გამორჩეულად წარმატებული კი პრემიუმ მცველების შესახებ გაცემული რეკომენდაციები გამოდგა.

✅ მე-12 ტურში ფორესტთან მატჩამდე ტიმბერის (£5.6) ყიდვა გირჩიეთ, ამ რეკომენდაციით განსაკუთრებით ვამაყობთ. ნიდერლენდელმა მანჩესტერთან შევედრაში, სეზონის პირველი გოლი გაიტანა. ახლოს იყო მეორესთანაც, როდესაც ონანამ ბურთი ტიმბერს გაარტყა, თუმცა მალევე გამოერკვა სიტუაციაში.
✅ გასულ მიმოხილვაში ვრცლად ვისაუბრეთ ტრენტ ალექსანდრ-არნოლდის (£6.9) შესახებაც. შედეგმაც არ დააყოვნა, მიუხედავად იმისა, რომ ტრენტმა მოედაზე მხოლოდ 23 წუთი გაატარა, TAA_მ ამ მცირე დროის მონაკვეთში 2 ასისტის გაკეთება შეძლო. ახლა აჟიოტაჟი ინგლისელის ირგვლივ კიდევ უფრო მოიმატებს.
✅ წინა სტატიაში გვარდიოლის (£6.2) გაყიდვისგან თავის შეკავებაზეც დავწერეთ. შესაძლოა ფორესტთან უგოლო მატჩი და პრემიერ ლიგის ფენტეზიში მიღებული 6 ქულა, მიმზიდველად მოსჩანდეს, მაგრამ ახლა კიდევ უფრო დაჟინებით გავცემთ რეკომენდაციას იოსკოს გუნდში დატოვების შესახებ. ნოტინგჰემთან შეხვედრაში ხორვატის მოსალოდნელი გოლების ინდექსი (xG) 0.46 იყო. გვარდიოლს ორი დიდი შანსი შეექმნა, თუმცა ვერცერთი მათგანის გამოყენება ვერ მოხაერხა. სხვა დღეს შესაძლოა 6 ქულის ნაცვლად ხორვატს 15, 21 ან 24 ქულაც კი დაეწერა.