პრემიერ ლიგის ფენტეზი - რა უნდა გავითვალისწინოთ 26-ე ტურის წინ?

26-ე ტურის მიმოხილვა

მომდევნო ტურის მიმოხილვამდე თვალი გადავავლოთ მნიშვნელოვან მოულოდნელობებს, რომელიც 25_ე სათამაშო კვირას მოხდა. ეს ჩამონათვალი კარგია მაგალითია, იმისა თუ როგორ შეიძლება ჩვენი ლოგიკური მოლოდინები და რეალობა განსხვავდებოდეს ერთმანეთისგან:

• ჩელსიმ მოედანი უგულოდ დატოვა გუნდთან, რომელმაც გასულ ტურში 7 გოლი გაუშვა. „ლურჯებს“ ბრაიტონის წინააღმდეგ კარში დარტყმა არ ჰქონიათ.
• ასტონ ვილა ერთ-ერთი საუკეთესო გუნდია შინ მოპოვებული ქულების მიხედვით, თუმცა ვილანებმა 10 კაციან იფსვიჩთან დაკარგეს ქულები. რამდენიმე დღის შემდეგ, კი ძალიან ახლოს იყვნენ ლივერპულის ვილა პარკზე დამარცხებასთან;
• ფორესტის მცველებმა ამჯერად უქულოდ დაგვტოვეს;
• ნიუკასლი, როგორც წესი გრანდებს ტოლსწორად ეთამაშება, თუმცა „ჯორდები“ რეალისგან ნატანჯ და მრავალჭირნახულ სიტის დაცვასთან ვერაფერს გახდნენ.
• „ალუბლებმა“ მოიგეს, თუმცა გოლები ისე გადანაწილდა, რომ ჩვენი მოლოდინები ნაკლებად გამართლდა;
• მბუმო კვლავ „შვებულებაშია“. ვისამ ორი გოლი გაიტანა, თუმცა ორივე თამაშგარის გამო გაუქმდა.
• ლივერპულს ვულვზის წინააღმდეგ გამართულ მატჩში მე-2 ტაიმში ზუსტი დარტყმა არ ჰქონია.

აქ კი 26_ე ტურის ყველა მნიშვნელოვანი სიახლეა თავმოყრილი:

🚨 გასული კვირის მსგავსად 26_ე ტურის დედლაინიც პარასკევსაა, 21 თებერვალს, 22:30_ზე. არ გამოგრჩეს;

👀 32_ე ტურში “Double” ტური ოფიციალურად ჩაინიშნა;

🤕 ჰოლანდმა, რეალთან მატჩი მცირე დაზიანების გამო გამოტოვა;

🤦 სლოტის კომენტარის მიხედვით გაკპოს თამაში 26_ე ტურშიც სათუოა. ნიდერლანდელი ახლოსაა, თუმცა მისი მზაობა მატჩამდე უნდა შეფასდეს;

🚑 ამად დიალოსთვის სეზონის დასრულებულია;

🚨 პრემიერ ლიგის მომდევნო ტური სამშაბათს, 25 თებერვალს აიღებს სტარტს. მოსალოდნელია მცირედი როტაციები.

ყველაფერი FPL ქარდების გამოყენების შესახებ

თავბრუდამხვევი ორმაგი ანუ „Double” ტურების შემდეგ ახლა მენიუში ცარიელი ანუ „Blank“ სათამაშო კვირაა (29). ასეთ ტურებში ეფექტიანად „ნავიგაციისთვის“, პრემიერ ლიგის ფენტეზის დახმარებების გამოყენების შესაბამისი სტრატეგია დაგჭირდება.

ყოველკვირეული ტრანსფერები და რამდენიმე ტურის წინასწარ დაგეგმვა - ტაქტიკაა, რომელიც პრემიერ ლიგის ფენტეზიში პოზიციების გაუმჯობესებაში ძალიან გეხმარება, თუმცა საყვარელი თამაშის მოსაგებად მხოლოდ ტაქტიკა არ კმარა, გამარჯვებისთვის სტრატეგიაც დაგჭირდება.
პრემიერ ლიგის ფენტეზის „ქარდები/ჩიპები“ ძლიერი დახმარებებია. თუ მათი გამოყენების სწორ სტრატეგიას შეარჩევ, შენი გამარჯვების შანსები მნიშვნელოვნად გაიზრდება. ყველაფერს, რაც რელევანტური სტრატეგიის განსაზღვრისთვისაა საჭირო, „La Gazzetta dello Sport Georgia“ ტურის მიმოხილვებში ნახავ.

რომელი გუნდები არ ითამაშებენ BGW29_ს ?

Blank ანუ ტური ნაკლები მატჩით 29_ე სათამაშო კვირას არის ჩანიშნული. რაც ნიშნავს იმას, რომ ტურში 10 მატჩის ნაცვლად 8 შეხვედრა ჩატარდება. BGW_ს Carabao_ს თასის ფინალისტები და მათი ოპონენტები გამოტოვებენ:

🔴 ლივერპული;
🦁 ასტონ ვილა;
⚫ ნიუკასლი;
🦅 კრისტალ პალასი.

რომელი გუნდები ითამაშებენ DGW32_ს და როდის?

25_ე ტურის სამზადისი საინტერესო სიახლით დასრულდა. ინგლისის საფეხბურთო ასოციაციამ პალასისა და ნიუკასლის გადადებული მატჩი 32_ე სათამაშო კვირას ჩანიშნა, რაც იმას ნიშნავს, რომ 32_ე ტური “Double” ანუ ორმაგი ტური იქნება. შეგახსენებ ორმაგი ტურს ელიან 33_ე სათამაშო კვირასაც, შესაბამისად “Double” ტურები ერთმანეთის მიყოლებით ჩაინიშნება - DGW32 და DGW33.

⚫ ნიუკასლი 🆚 MUN(H), CRY(H)
🦅 კრისტალ პალასი 🆚 MCI(A), NEW(A)

„კაჭკაჭები“ ზედიზედ ორ საშინაო მატჩს ითამაშებენ, არწივებს კი წინ 2 რთული გასვლითი შეხვედრა აქვთ.

რა ვიცით DGW33_ის და DGW36_ის შესახებ?

🔸DGW33 - 33_ე ტურში ყველაზე დიდ ორმაგ ტურს უნდა ველოდოთ, დადასტურებული ინფორმაცია ამის შესახებ 30_ე ტურის შემდგომ, ან დედლაინამდე რამდენიმე საათით ადრე გვექნება. ეს მნიშვნელოვანი გარემოებაა, რადგანაც ამ ინფორმაციას შეუძლია გავლენა იქონიოს ვაილდქარდის გამოყენებაზე.

🔸DGW36 - DGW36_ის დადასტურებას უპირატესად 34_ე ტურის დედლაინამდე უნდა ველოდოთ, თუმცა შესაძლოა DGW36 უფრო მალეც გაოფიციალურდეს.
• გუნდები, რომლებიც არ ითამაშებენ BGW34-ში, მონაწილეობას მიიღებენ DGW33-ში ან DGW36-ში. ამჟამად ჯერ უცნობია, როგორ დალაგდება გადადებული მატჩები.
• თუ მანჩესტერ იუნაიტედი ასოციაციის თასის ნახევარფინალში გააღწევს და ამავდროულად შემორჩება ევროპის ლიგასაც, ძალიან დიდი ალბათობით „წითელი ეშმაკები“ 33_ე ტურში ითამაშებენ ორმაგ ტურს.
• ჯერ უცნობია DGW33_ში უფრო მეტი მატჩი იქნება თუ DGW36_ში. უკეთესი შანსები 33_ე ტურს აქვს.

რა ვიცით BGW34_ის შესახებ?
სავარაუდოა, რომ 34_ე ტური სეზონის ყველაზე მასშტაბური „ცარიელი“ ტური იქნება, შესაბამისად მისთვის სათანადოდ უნდა მოვემზადოთ. გადადებული მატჩების რაოდენობა Fa cup_ზე პრემიერლიგური გუნდების წარმატებაზეა დამოკიდებული.

როდის გამოვიყენოთ FPL დახმარებები ?

✅ TC - ტრიპლ კაპიტანი - პრემიერ ლიგის ფენტეზის მენეჯერების უმრავლესობამ ტრიპლ კაპიტნის დახმარება უკვე გამოიყენა 24_ე & და 25_ე სათამაშო კვირა, თანაც დიდი წარმატებით, როდესაც სალაჰს ზედიზედ ჰქონდა ორმაგი ტური. თუ TC კვლავ შენს განკარგულებაშია, ამისთვის საუკეთესო პერიოდი DGW32_ია, როდესაც ნიუკასლი ზედიზედ ორ საშინაო მატჩს გამართავს.

✅ ვაილდქარდი - უმჯობესია 30-32 ტურის შუალედში გამოიყენო, როდესაც ინფორმაცია გვექნებაDGW32_ის, DGW33_ის, BGW34_ის და DGW36_ის შესახებ.

არ დაგავიწყდეს, ვაილდქარდი პრემიერ ლიგის ფენტეზის ყველაზე ძლიერი დახმარებაა, იმისთვის რომ პირველმა გაიგო მსგავსი სიახლეები, თვალი ადევნე La gazzetta dello sport Georgia_ს მიმოხილვებს.

✅ AM - ასისტენტ მენეჯერი, თუ AM აქამდე არ გამოგიყენებია, მაშინ ოპტიმალური დრო 36_ე სათამაშო კვირაა. ამ შემთხვევაში შენი ასისტენტ მენეჯერის ქარდი აქტიური იქნება DGW36, 37 და 38_ე ტურში. თუმცა ჯერ უცნობია, როგორი ვითარება იქნება სეზონის მიწურულს.

ერთი შეხედვით AM_ის გამოყენებისთვის საინტერესო პერიოდი 32_ე კვირაა, როდესაც დიდი შანსია გუნდებს ზედიზედ ჰქონდეთ ორმაგი ტური. თუმცა, არ დაგავიწდეს მნიშვნელოვანი გარემოება:

⚠️ როდესაც ასისტენტ მენეჯერის დახმარებას იყენებ, 3 ტურის განმავლობაში სხვა ქარდის გამოყენების უფლება გეზღუდება.
⚠️ თუ AM_ს 32_ე ტურში გამოიყენებ, ეს ავტომატურად ნიშნავს, რომ ვერ შეძლებ 33 ტურში Bench Boost (BB)_ს და 34_ე ტურში Free Hit (FH)_ის გამოყენებას.
⚠️ თუ AM_ს 31_ე ტურში გამოიყენებ, ეს ავტომატურად ნიშნავს რომ ვერ შეძლებ 33 ტურში Bench Boost (BB)_ს გამოყენებას. ავტომატურად 31-ე ტურიდან, ვაილდქარდიც დაიბლოკება.

✅ BB - Bench Boost – 33 ტურში, რომელიც არსებული მოლოდინების მიხედვით ყველაზე დიდი DGW_ი უნდა იყოს.

✅ FH - Free Hit - ოპტიმალურია 34_ე ტურში, ცარიელ (BGW) ტურთან გასამკლავებლად. მიუხედავად იმისა, რომ 29-ე ტურშიც ნაკლები თამაში ჩატარდება, FH_ს შენახვა 34_ისთვის იქნება უკეთესი, სადაც მეტი მატჩის გადადებაა მოსალოდნელი.

29_ე ტურისთვის მომზადება შეგიძლია უკვე დაიწყო. ტრანსფერების დაგეგმვისას BGW29 მხედველობაში უნდა გქონდეს, საუკეთესოა სტრატეგია კი ტრანსფერების დაგროვებაა, თუ, რა თქმა უნდა, ამის შესაძლებლობა გაქვს.

ასისტენტ მენეჯერი 26_ე ტურში

პრემიერ ლიგის ფენტეზის მოთამაშეების ნაწილს უკვე გააქტიურებული აქვს ასისტენტ მენეჯერის ქარდი. თუ შენი ასისტენტ მენეჯერი სლოტია და ზედმეტი ტრანსფერი გაქვს შემონახული, რომელიც არ გჭირდება, მაშინ სლოტის გაშვება კარგია აზრია, როგორ ფორმაშიც არ უნდა იყოს სიტი, ეტიჰადზე სტუმრობა ყოველთვის რთულია.
თუ იმ მოთამაშეების რიცხვს განეკუთვნები, რომელმაც მოიესით დაიწყო და შემდგომ ემერიზე გადაერთო, ამ შემთხვევაში გირჩევ ტრანსფერი შეინახო. ეს რჩევა განსაკუთრებით მნიშვნელოვანია მათთვის, ვინც BGW29_ში “Free Hit”_ის გამოყენებას არ აპირებს.
მართალია ვილანებმა სრულიად მოულოდნელად დაკაგეს ქულები იფსვიჩთან, თუმცა ემერიმ ცხრილის ბონუსი მრისხანე ლივერპულის წინააღმდეგ მოიოპოვა. ასტონ ვილა ზედიზედ მე-3 საშინაო შეხევედრას ითამაშებს - მეტოქე ჩელსია, თუმცა ლონდონელები საშინელ ფორმაში იმყოფებიან, რითაც წესით ვილანებმა უნდა ისარგებლონ. ასტონ ვილას, ამ ტურში ცხრილის ბონუსის მიღების შანსი არ ექნება.

თუ მაინც გადაწყვეტ ასისტენტ მენეჯერის შეცვლას, მაშინ ეს რეკომენდაციების დაგეხმარება:

👔🔥 მენეჯერები, რომელებსაც 26_ე ტურში ცხრილის ბონუსის აღების შანსი აქვთ:
გლასნერი 🆚 ფულჰემი (A)
ჯურიჩი 🆚 ბრაიტონი (H)
მაკენა 🆚 სპურსი (H)
პერეირა 🆚 ბორნმუთი (A)
ნისტერლოი 🆚 ბრენტფორდი (H)
პოტერი 🆚 არსენალი (A)

ჩამოთვლილთაგან „ცხრილის ბონუსის“ თვალსაზრისით ყველაზე პერსპექტიული „არწივების“ დამრიგებელია. პალასი, ფულჰემთან ითამაშებს გასვლით მატჩს. „კოტეჯერებმა“ შინ გამართულ ბოლო 14 მატჩში მხოლოდ 2-ჯერ შეინახეს კარი მშრალად, ასევე საშინაო კედლებში ვერე მოახერხეს ისეთი გუნდების ძლევა როგორიცაა - იფსვიჩი, სოტონი, მანჩესტერი, ვულვზი და ბრენტფორდი.
ცხრილი ბონუსის კიდევ ერთი, თუმცა ძალიან სარისკო ალტერნატივა მაკენაა. შეგახსენებ იფსვიჩმა წელს ერთხელ უკვე დაამწუხრა, სპურსი.

👔 მეორე მხრივ, თუ სტაბილურ კანდიდატს ეძებ ასისტენტ მენეჯერის ქარდისთვის, მაშინ არტეტასა და ირაოლას გირჩევ. ესპანელ სპეციალისტებს საშინაო მატჩები აქვთ, თანაც მარტივ მეტოქეებთან, შესაბამისად ორივესგან კომფორტულ გამარჯვებას ელიან.
ასისტენტ მენეჯერის გამო მინუს (-4) ქულის აღება რეკომენდირებული არაა.

როგორ ითვლება ასისტენტ მენეჯერის ქულები ?

განვიხილოთ მაგალითი ემერის შემთხვევაზე, 24_ე ტურის მატჩების მიხედვით
🦁 ემერი 1-1 იფსვიჩი (H)
პირველ შეხვედრაში უნაი ემერის ანგარიშზე, მხოლოდ 4 ქულაა.
• +3 ქულა ფრე
• +1 ქულა გატანილი გოლი
• ამ შეხვედრაში ვილას ცხრილის ბონუსის მიღების შანსი არ ჰქონია.
• თუ ვილა დამატებით წუთებზე გოლს შეაგდებდა და მატჩს 2-1_ს მოიგებდა მაშინ ემერი 8 ქულას დაიმსახურებდა. +6 მოგება, +2 გოლი.

🦁 ემერი 1-1 ლივერპული (H)
ლივერპულთან მატჩში უნაი ემერიმ 10 ქულა დაიმსახურა
• +3 ქულა ფრე
• +2 ქულა გატანილი გოლი
• +5 ცხრილი ბონუსი ფრის შემთხვევაში
• თუ ვილა დამატებით წუთებზე გოლს შეაგდებდა და მატჩს 3-2_ს მოიგებდა მაშინ ემერი 19 ქულას დაიმსახურებდა. +6 მოგება, +10 ცხრილის ბონუსი, +3 გოლი.

შეგახსენებ ცხრილის ბონუსს მენეჯერი იმ შემთხვევაში იღებს, თუ მეტოქეზე 5 ადგილით უკან არის.
როგორც მოყვანილი მაგალითებიდან ჩანს, რისკი დიდია - თუმცა მოგების შემთხვევაში ცხრილის ბონუსიც მასშტაბურია.

მორგან ! პასუხი არაა, მორგან !
თვალსა და ხელს შუა, მორგან როჯერსი პრემიერ ლიგის ფენტეზის ტროლად ყალიბდება. უკვე 5 პრემიერლიგური მატჩია ინგლისელს ვერც გოლი გააქვს და ვერც ასისტს აკეთებს. როჯერსის პრემიერლიგური შედეგები სავალალოა, თუმცა მორგანი ყველა სხვა ეგიდით გამართულ მატჩში ბრწყინავს.
მორგან როჯერსის (£5.7) ბოლო 2 მატჩი ჩემპიონთა ლიგასა და ინგლისის თასზე:

🔥 4 გოლი
🔥 1 ასისტი

როჯერსის ბოლო 5 პრემიერლიგური მატჩი

❌ 0 გოლი
❌ 0 ასისტი
👎 3 ყვითელი ბარათი

თუ ვილას რთულ კალენდარსა და 29_ე სათამაშო კვირას ცარიელ ტურს გავითვალისწინებთ, მაშინ როჯერსი გუნდიდან გაშვების ერთ-ერთი მთავარი კანდიდატია:
📈🤔 მორგანის უიღბლობაში კიდევ უფრო მეტად დაგარწუნებს მისი სტატიტიკა იფსვიჩის წინააღმდეგ:
5 დარტყმა საჯარიმოს შიგნიდან
2 დიდი შანსი
4 შექმნილი შანსი
0.62 მოსალოდნელი გოლი (xG)
0.75 მოსალოდნელ გოლში ჩართულობის ინდექსი (xGI)

უნდა ვისაუბროთ ითან ნვანერზე

17 წლის ითანი არტეტას მხსნელად მოევლინა, შემტევების არ ყოფნის ფონზე ნვანერმა გასაოცარი პერფორმანსი შემოგვთავაზა და მორგან როჯერსის ჩანაცვლების ერთ-ერთ მთავარ ალტერნატივადაც იქცა.
ითან ნვანერი (£4.6) 🆚 ლესტერი (A)
🔴 1 ასისტი
🔴 2 შექმნილი შანსი
🔴 4 დარტყმა
🔴 2 ძელი
🔴 9 შეხება საჯარიმოს შიგნით
🔴 +3 ბონუს ქულა, ჯამში 9 ქულა 25_ე ტურში
🔴 0.75 მოსალოდნელ გოლში ჩართულობის ინდექსი (xGI)

ნვანერი ერთი შეხედვით როჯერსის იდეალური შემცვლელია, თუმცა გასათვალისწინებელია, როგორც დადებითი ასევე უარყოფითი ასპექტები, ქვევით ორივეს შესახებ ნახავ ინფორმაციას:
✅ 26_ე ტურში ვესტ ჰემის წინააღმდეგ მეთოფეები უპირობო ფავორიტები არიან;
✅ როჯერს გაცილებით რთული მეტოქე ჰყავს ჩელსის სახით;
✅ BGW29_ე ტურში არსენალი ჩელსის დაუპირისპირდება;
✅ როჯერსი 29_ე ტურს გამოტოვებს, ვილას თამაში გაუქმებულია.
✅ ნვანერის ყიდვა ბიუჯეტის თვალსაზრისითაც მომგებიანია, ითანი 1.1£_ით იაფია.
❌ ითან ნვანერი მხოლოდ და მხოლოდ 17 წლისაა, ის შთამბეჭდავად გამოყურება მაგრამ მისი წუთები მაინც რისკის ქვეშ შეიძლება დადგეს, როდესაც მეთოფეები პრემიერ ლიგის პარალელურად ჩემპიონთა ლიგაზეც გადაერთვებიან.

გაგახსენებ არსენალი ტრავმირებულ შემტევთა მდგომარეობას:
ჰავერცი - სეზონი დასრულებულია;
ჯესუსი - სეზონი დასრულებულია;
მარტინელი - პირველადი მონაცემების მიხედვით ბრაზილიელის დაბრუნებას 30_ე ტურამდე ელიან;
საკა - ბუკაიოს დაბრუნებასაც 30_ე ტურისკენ ელიან
თუ საკა და მარტინელი დროზე ადრე დაბრუნდებიან ნვანერის წუთები შემცირდება.

შევაჯამოთ
4.5£_ად არსენალის შემტევი ნახევარმცველი ნამდვილი საჩუქარია, რომლის ხელიდან გაშვება ძალიან რთულია. ასეთი რამ პრემიერ ლიგის ფენტეზიში უიშვიათესად ხდება. მიმდინარე სეზონში ამად დიალომ გაგვანებივრა არაპროპორციულად დაბალი ფასითა და მაღალი შედეგიანობით, ზუსტად ანალოგიურ ქეისთან შეიძლება გვქონდეს საქმე ითანის შემთხვევაშიც. თუ სხვა გარემოება არ გზღუდავს, ითან ნვანერის ტრანსფერი ცალსახად რეკომენდირებულია.

ვინ ჩაანაცვლებს გაკპოს?

ნიდერლანდელის თამაში 26_ე ტურშიც დიდი კითხვის ნიშნის ქვეშაა. გაკპომ მომჯობინება, რომც მოასწროს, ტრავმის შემდგომ მისი წუთები სარისკოა, თანაც ეტიჰადზე თამაში იოლი არაა. შემდგომ უკვე ლივერპულს იოლი პრემიერლიგური მატჩები აქვს , თუმცა ძალიან გადატვირთული კალენდარიც. 29_ე ტურში მერსესაიდელები არ ითამაშებენ, ამ ფაქტორების გათვალისწინებით გაკპოს შემცვლელი ძიება ლოგიკურია.

გაკპოს შემცვლელის ძიებაში:
🦅 მატეტა (£7.3)
✅ ბოლო 6 ტურში მხოლოდ ერთხელ დატოვა მინდორი საგოლე მოქმედების გარეშე;
✅ ამავე პერიოდში (6 ტური) მის ანგარიშზე 7 გოლია;
✅ მატეტამ ბოლო 6 ტურში 2-ჯერ შემოგვთავაზ ფენტეზის ორნიშნა ქულა;
✅ მიუხედავად ასეთი შედეგებისა, ის პრემიერ ლიგის ფენტეზის მენეჯერების მხოლოდ 9%_ს ჰყავს გუნდში;
✅ ფულჰემთან გასვლის შემდეგ, პალასი 2 საშინაო მატჩს ითამაშებს GW27 - AVL (H), GW28 - IPS (H)
❌ მატეტა 29_ე ტურის მატჩს გამოტოვებს, ეს გარემოება აუცილებლად უნდა გქონდეს მხედველობაში.
✅ ფულჰემთან გასვლის შემდეგ, პალასი 2 საშინაო მატჩს ითამაშებს GW27 - AVL (H), GW28 - IPS (H)
✅ 32_ ტურში პალასს ორმაგი ტური აქვს: 🆚 MCI(A), NEW(A)

🐺 კუნია (£6.8)
✅ კუნიას სასურველი კალენდარი აქვს, განსაკუთრებით მომდევნო ორი ტურის შემდეგ - GW26 - BOU (A), GW27 - FUL (H), GW28 - EVE (H), GW29 - SOU (A), GW30 - WHU (A), GW31 - IPS (A)
✅ ბრაზილიელმა ბოლო 2 ტურში ზედიზეტ 2-ჯერ შეძლო გატანა, თანაც ასტონ ვილასა და ლივერპულის წინააღმდეგ;
✅ კუნია ბონუს ქულების მაგნიტია, მისი საგოლე მოქმედება თითქმის ყოველთვის ავტომატურად ნიშნავს ბონუს ქულას, ამაში ეს ცხრილიც დაგარწმუნებს
GW25: 3 ბონუს ქულა
GW24: 2
GW18: 3
GW17: 3
GW16: 3
GW12: 3
GW11: 3
GW10: 1
GW9: 3
GW7: 3
GW5: 3
GW2: 0
იმ ტურებში სადაც ბრაზილიელმა საგოლე მოქმედება შეასრულა 36 შესაძლო ბონუსიდან 30 ქულა დაიმსახურა, რაც გასაოცარი მაჩვენებელია.
✅ მატეტას მსგავსად კუნიაც „განსხვავების შემქმნელია“. ბრაზილიელი პრემიერ ლიგის ფენტეზის მენეჯერების მხოლოდ 10%_ს ჰყავს გუნდში;

🐝 ვისა (£6.3)
✅ ვისას საუკეთესო მოსალოდნელი გოლში მონაწილეობის მიღების მაჩვენებელი აქვს ბიუჯეტურ ფორვარდებს შორის (xGI/90)
✅ ფუტკრებს ხელსაყრელი კალენდარი აქვთ - GW26 - LEI (A), GW27 - EVE (H), GW28 - AVL (H), GW29 - BOU (A)

🌳 ვუდი (£7.1) - ფორესტის შემტევის შედეგიანობა ყოველგვარ ლოგიკურ ზღვარს ცდება, მასზე კომენტარის გაკეთება ზედმეტია. ვუდმა არაერთხელ დაამტკიცა, რომ ის მიმდინარე სეზონის საუკეთესო ფორვარდია. ერთადერთი რის გამოც შესაძლოა თავი შეიკავო, რთული კალენდარია თუმცა როგორც წესი ეს კრისისთვის პრობლემა სულაც არაა. რაც მთავარია, ფორესტი 29_ე ტურს ითამაშებს, თანაც იფსვიჩის წინააღმდეგ.
ვუდი ბოლო 7 მატჩში:

⚽️ 8 გოლი
🅰️ 2 ასისტი
✅ 3 ორნიშნა ქულა
🎯 69 FPL ქულა !
⭐️ 17 ბონუს ქულა !

პ.ს. არ დაგავიწყდეს მიმდინარე სეზონის მთავარი წესი - ყოველთვის აკაპიტნე სალაჰი.

წარმატებებს გისურვებ. შემოუერთდი ჩვენს FPL ლიგას - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე