დადასტურებულად — ბარსელონა ხულიან ალვარესის სანაცვლოდ პირველ ოფიციალურ შეთავაზებას უახლოეს საათებში გააკეთებს! აგენტთან გამართული შეხვედრის შემდეგ, კატალონიურმა კლუბმა ფეხბურთელისგან ტრანსფერზე სრული თანხმობა მიიღო, რაც იმას ნიშნავს, რომ "ბლაუგრანა“ არგენტინელი შემტევის დასამატებლად ყველაფერს გააკეთებს.
ხულიან ალვარესის შესაძლო წასვლის შესახებ პირველი ცნობები რამდენიმე დღის წინ გავრცელდა. როგორც ირკვევა, 26 წლის ფეხბურთელმა ატლეტიკო მადრიდის ბოლო შეთავაზება დაბლოკა, რადგან ახალი კონტრაქტის გაფორმებას არ გეგმავს — მისი მთავარი სურვილი კარიერის ბარსელონაში გაგრძელებაა.
ატლეტიკო მადრიდი ხულიან ალვარესს დაახლოებით €150 მილიონად აფასებს, რაც, რა თქმა უნდა, ძალიან დიდი თანხაა. მიუხედავად ამისა, ბარსელონა პირველ ოფიციალურ შეთავაზებას მაინც ამზადებს და მოლაპარაკებების დაწყებასაც გეგმავს.
არგენტინელი შემტევის პოტენციურ ტრანსფერთან დაკავშირებით დამატებითი დეტალები უახლოეს საათებში გახდება ცნობილი.
