Opta-მ ლა ლიგის 2026/2027 წლების სეზონზე პროგნოზი გააკეთა. ჩემპიონობის მთავარ ფავორიტად ითვლება ბარსელონა, რომლის ტიტულის მოგების პროცენტული ალბათობა 45.6-ს უდრის. შეგახსენებთ, პრიმერა დივიზიონის უკანასკნელი 2 სეზონის ტრიუმფატორები სწორედ კატალონიელები არიან.
"ბლაუგრანას" შემდეგ მოდის მადრიდის რეალი - 31 პროცენტი. Opta-ს აზრით, ჩემპიონთა ლიგის ზონაში მოხვდება გიორგი მიქაუტაძის ვილიარეალი, რომელიც კამპ ნოუს მკვიდრების, "სამეფო კლუბისა" და მადრიდის ატლეტიკოს შემდეგ მე-4 პოზიციას დაიკავებს. შეგახსენებთ იმასაც, რომ ევროპის მთავარ საკლუბო ტურნირზე "სუბმარინა" იასპარეზებს წელსაც.
რაც შეეხებათ დანარჩენ ქართველ ლეგიონერებს, Opta-ს აზრით, საბა საზონოვის ხეტაფე და გიორგი გულიაშვილის რასინგ სანტანდერი იბრძოლებენ გადარჩენისთვის, შესაბამისად, სეზონს ცხრილის ქვედა ნაწილში დაამთავრებენ. იგივე მდგომარეობაში იქნება სევილიაც, რომელიც გიორგი ქოჩორაშვილით ინტერესდება.
