ლა ლიგის ახალი სეზონი სტარტს ოფიციალურად 15 აგვისტოდან აიღებს. იქამდე კი ესპანური პრესა გთავაზობს ახალ წესებს, რომლებიც ესპანეთის ჩემპიონატის ახალი სეზონის დაწყებისთანავე ამოქმედდება.
VAR-ს შეეძლება მეორე ყვითელი ბარათის გადაცმოწმება, რომელიც ავტომატურად წითელი ბარათია და გადაწყვეტილების შეცვლის შემთხვევაში, მისი გაუქმება;
შეცვლილ მოთამაშეს მოედნის დასატოვებლად მაქსიმუმ 10 წამი ექნება, თუ 10 წამში მოთამაშე არ გავა, შეცვლაზე შესული ფეხბურთელი მოედანზე ერთი წუთით ვერ შევა;
თუ მოთამაშე ტრავმას მიიღებს და მოედანს იძულებით დატოვებს, დაბრუნება ერთი წუთის შემდეგ შეეძლება;
მეკარე, რომელიც თამაშს სამედიცინო დახმარების მისაღებად შეაჩერებს, ამ მეკარის გუნდიდან რომელიმე მოთამაშეს 1 წუთით გასვლა მოუწევს;
შეცვლები 5 წამიანი შუალედებით უნდა განხორციელდეს;
მსაჯს შეეძლება სტადიონზე მყოფი გულშემატკივრებისთვის თავისი გადაწყვეტილების გამოცხადება და ახსნა.
