სერჟიო კონსეისაუს გუნდი შეტევის გაძლიერებასაც გეგმავს. მას შემდეგ, რაც მარკუს რაშფორიდის ტრანსფერი ჩაიშალა, იტალიური გრანდი ჩელსის ჟოაუ ფელიქსის თაობაზე დაუკავშირდა. მხარეებს შორის პირველი კონტაქტი უკვე შედგა, მილანს ფეხბურთელის იჯარით დამატება სურს, თუმცა ლონდონელები ამ მომენტისთვის მსგავს გარიგებაზე თანახმა არ არიან. სიტუაცია დიდი შანსია უახლოეს დღეებში შეიცვალოს, რადგან 25 წლის პორტუგალიელს ჩელსის დატოვება სურს.
შეტევაში განიხილება ჯოვანი რეინას ვარიანტიც. მილანის უფროსობა ამერიკელი ფეხბურთელის თაობაზე დორტმუნდის წარმომადგენლებს უკვე შეხვდა.
მილანი 3 თებერვლამდე მინიმუმ ორი გარიგების დახურვას გეგმავს, თუმცა არის შანსი მესამე ტრანსფერიც განახორციელოს. საბა გოგლიჩიძის მიმართ ინტერესი კვლავ რჩება და უახლოეს დღეებში ქართველი ფეხბურთელის თაობაზე სიახლეებს ველოდებით.
