მიუხედავად იმისა, რომ ზაფხულის სატრანსფერო ფანჯარა სულ რაღაც ერთი კვირის წინ დაიხურა, ევროპის მასშტაბით რამდენიმე კლუბის სამომავლო გეგმების შესახებ უკვე იწერება. ამ სიაში მოხვდა მილანიც, რომელსაც საკმაოდ დატვირთული ზაფხული ჰქონდა, თუმცა, თუ გავლენიან წყაროებს დავუჯერებთ, "როსონერი" ზამთრის სატრანსფერო ფანჯარაზეც სერიოზულ აქტიურობას გეგმავს.
"ჯერი კარდინალეს ოცნების ტრანსფერი" — ამ წინადადებას იტალიურ პრესაში ხშირად შეხვდებით და გეტყვით, რომ მილანის მფლობელის ოცნების ფეხბურთელი რეალ მადრიდის ახალგაზრდა ბრაზილიელი ფორვარდი ენდრიკია! მეტიც, მილანი 20 წლის ფეხბურთელის დამატებას ზაფხულშიც ცდილობდა, თუმცა ჟოზე მოურინიომ და ფლორენტინო პერესმა ენდრიკის შენარჩუნება არჩიეს. თუმცა, თუ მომდევნო 4 თვეში ფეხბურთელის სათამაშო დრო არ გაიზრდება, მილანი ბრაზილიელს იანვრის თვეში კიდევ ერთხელ მიუბრუნდება და მის გაფორმებას კვლავ შეეცდება.
კარდინალეს მიაჩნია, რომ ენდრიკის დამატება მილანის შეტევით პოტენციალს საგრძნობლად გაზრდის და რუბენ ამორიმის გუნდს სეზონის განმავლობაში უფრო მაღალი მიზნებისთვის ბრძოლის შესაძლებლობას მისცემს.
გავლენიან წყაროებს თუ დავუჯერებთ, მილანი იანვრის თვეში ახალ ცენტრალურ მცველსაც დაიმატებს და კლუბის #1 სამიზნედ ამ დრომდე გონსალუ ინასიუ რჩება. როგორც ირკვევა, პორტუგალიელი ფეხბურთელი ზაფხულის სატრანსფერო ფანჯრის ბოლო დღეს ძალიან ახლოს იყო "როსონერიში" გადასვლასთან, თუმცა გარიგება ბოლო მომენტში სპორტინგმა ჩაშალა. მოსალოდნელია, რომ კარდინალე და მისი გუნდი 25 წლის ფეხბურთელის დამატებას ზამთარში კიდევ ერთხელ შეეცდებიან.
