ოფიციალურად დადასტურდა, რომ გიგა ჭიკაძე ოქტაგონში დაბრუნდება 19 სექტემბერს, ლოს ანჯელესში გასამართ UFC 331-ზე. გამოცდილი ქართველი მებრძოლის მოწინააღმდეგე იქნება ჟოანდერსონ ბრიტო, რომლის ანგარიშზე 19 მოგება, 5 წაგება და ფრე არის. იგივე ქარდზე თანამთავარ ჩხუბში არმან ცარუკიანი მაურისიო რუფის შეხვდება.
რაც შეეხება მთავარ ბრძოლას, საღამოს ალეშანდრე პანტოჟასა და ჯოშუა ვანის რემატჩი დაამშვენებს. შეგახსენებთ, რომ მათ წინა დაპირისპირებაში ბრაზილიელმა მებრძოლმა დაიზიანა ხელი, ვერ შეძლო ჩხუბის გაგრძელება, რის შედეგადაც ქამარი მის მიანმარელ მოწინააღმდეგესთან გადავიდა. ვნახოთ, შეძლებს თუ არა "კანიბალი" ჩემპიონობის დაბრუნებას.
ვრცელდებოდა ცნობები, თითქოს UFC 331-ზე უნდა ებრძოლა ალექსანდრე თოფურიასაც, ვისი მეტოქეც უნდა ყოფილიყო ბრაის მიტჩელი ან ითან იუინგი, მაგრამ აღნიშნული ვარაუდი არ ახდა. ჯერჯერობით უცნობია, თუ როდის დაბრუნდება ქართველი მებრძოლი.
