20 ივნისს UFC Vegas 119-ის ფარგლებში გიგა ჭიკაძეს უნდა ჰქონოდა ბრძოლა ვინისიუს ოლივეირასთან, თუმცა ეს დაპირისპირება ჩაიშალა. ჩხუბს ჩაეხსნა ვეტერანი ქართველი მებრძოლი და ჯერჯერობით უცნობია, თუ როდის ვიხილავთ მას ოქტაგონში სამომავლოდ. ასევე უცნობია, თუ ვინ შეცვლის "ნინძას" ბრაზილიელ მებრძოლთან ჩხუბში.
შეგახსენებთ, რომ უკვე სამი ბრძოლაა, რაც 37 წლის სპორტსმენი გამარჯვების მოპოვებას ვერ ახერხებს. ის დამარცხდა არნოლდ ალენთან, დევიდ ონამასა და კევინ ვალეხოსთან. ჭიკაძის უკანასკნელი მოგება თარიღდება 2023 წლის აგვისტოთი, როცა მან მსაჯების გადაწყვეტილებით ალექს კასერესთან იმარჯვა.
ზოგადად კი ქართველი მებრძოლის ანგარიშზეა 21 ბრძოლა - 15 გამარჯვება და 6 მარცხი. განსაკუთრებით გამოსარჩევია 2019 - 2021 წლების შუალედი, როცა გიგამ მსოფლიოს მთავარ პრომოუშენში ზედიზედ 7 ჩხუბი მოიგო.
