LaGazzetta.ge-ს ინფორმაციით, საქართველოს მოქმედმა ჩემპიონმა იბერიამ ზაფხულის პირველი ტრანსფერი განახორციელა და აფრიკელი ფეხბურთელი შეიკნე სილა დაიმატა.
მოგეხსენებათ, სილა იბერიას ღირსებას 2023 და 2024 წლის სეზონებში იცავდა, როცა პირველ სეზონზე 12, მეორე სეზონზე კი 14 გოლი გაიტანა.
გასული ორი სეზონი მალელი ფეხბურთელი თურქული ერზურუმსპორის ღირსებას იცავდა და 7 გოლითა და 3 საგოლე გადაცემით, გუნდის სუპერლიგაში აღზევებაში დიდი წვლილი შეიტანა.
შეგახსენებთ, რომ წელს იბერია ჩემპიონთა ლიგის საკვალიფიკაციო ეტაპზე თამაშობს და პირველ რაუნდში მეტოქე ესტონური ფლორა იქნება.
