ოფიციალურად: ალეხანდრო გარნაჩო ახალი სეზონისთვის მზადებას ინდივიდუალურად შეუდგა. როგორც ცნობილი ხდება, ჩაბი ალონსომ არგენტინელი ფეხბურთელი პრე-სეზონზე არ გამოიძახა, რაც იმას ნიშნავს, რომ 22 წლის ფეხბურთელი ესპანელი სპეციალისტის გეგმებში არ შედის და მიმდინარე სატრანსფერო ფანჯრის პერიოდში ჩელსის დატოვებს.
გავლენიანი გამოცემების ინფორმაციით, ჩელსი გარნაჩოს დაახლოებით €45/50 მილიონად აფასებს, არგენტინელის მიმართ ინტერესს კი არაერთი კლუბი იჩენს. საქმეშია იტალიური რომაც, რომელიც ამჟამად ფეხბურთელის მხოლოდ იჯარის წესით დამატებას განიხილავს, რაც ჩელსის არ აწყობს. ასევე განიხილება სხვა ევროპული და საუდის ლიგის კლუბების ვარიანტებიც.
შეგახსენებთ, გარნაჩო ჩელსიში 2025 წელს გადაბარგდა. არგენტინელმა ამ დროის განმავლობაში 43 მატჩი ჩაატარა, 8 გოლი გაიტანა და 4 საგოლე გადაცემაც მიითვალა. როგორც ფეხბურთელთან დაახლოებული წყაროები წერენ, ახალგაზრდა ფეხბურთელი ახალ კლუბში მიმდინარე თვის ბოლომდე გადაბარგდება.
