უსმან ნურმაგომედოვმა PFL-ში ჩაატარა ბოლო ბრძოლა და უახლოეს მომავალში ის უდიდესი ალბათობით UFC-ის შეუერთდება. ამ საკითხზე მუშაობს დაღესტნელი ჩემპიონის მენეჯერი, ალი აბდელაზიზი, რომელსაც სურს, რომ მისმა კლიენტმა მსოფლიოს მთავარ პრომოუშენში სადებიუტო ჩხუბი ილია თოფურიასთან გამართოს.
"უსმანის UFC-ში გადმოსვლით პირადად არის დაინტერესებული დანა, ვინც მას მსოფლიოს საუკეთესო მსუბუქწონოსან მებრძოლად მიიჩნევს. პირადად ჩემთვის, 1-ელი გეიჯია, მე-2 კი სწორედ ნურმაგომედოვი. თუ ის მსოფლიოს მთავარ პრომოუშენში მართლაც მოხვდება, მინდა, რომ სადებიუტო ჩხუბი თოფურიასთან ჩაატაროს.
ილიას დაწყებული კონფლიქტი დაასრულა ჯასტინმა, თუმცა გუნდებს შორის დაპირისპირება გრძელდება. პიმბლეტი? ის ბრწყინვალეა, თუმცა ობიექტურად, დაღესტნელი ჩემპიონი სხვა დონეზეა", - განაცხადა ეგვიპტელმა მენეჯერმა.
