არმან ცარუკიანმა ერთ მილიონ დოლარიანი ფსონი განათავსა იმაზე, რომ ილია თოფურია ჯასტინ გეიჯისთან დამარცხდება. პროგნოზის ახდენის შემთხვევაში, სომეხი მსუბუქწონოსანი $5.7 მილიონს მოიგებს. ამის გარდა, 70 კილოგრამ წონითი დივიზიონის ამერიკელ დროებით ჩემპიონს "ახალქალაქელი" საჩუქარსაც შეპირდა.
იმ შემთხვევაში, თუ "ჰაილაითი" დაამარცხებს ქართველ მეტოქეს, ცარუკიანისგან მიიღებს ავტომობილს - Dodge Ram-ის ახალ მოდელს. შეგახსენებთ, "მატადორისა" და მისი 37 წლის მოწინააღმდეგის ჩხუბი გაიმართება 14 ივნისს, ივენთი ჩვენი დროით 04:00 საათზე დაიწყება. მათ შორის მოგებული 70 კგ დივიზიონის ჩემპიონი იქნება.
