რამდენიმეკვირიანი მოლაპარაკებები საბოლოო შეთანხმებით დასრულდა, მარკოს სენესი ბორნმუთიდან კარიერას ტოტენჰემში გააგრძელებს! მხარეებმა გარიგების ყველა დეტალი შეათანმეს, 29 წლის ცენტრალურ მცველს ლონდონში უკვე ელოდებიან, სადაც სამედიცინო შემოწმებას გაივლის და 4-წლიან კონტრაქტს გააფორმებს. ტოტენჰემი პრემიერ ლიგის ერთ-ერთ გამორჩეულ მცველს თავისუფალი აგენტის სტატუსით დაიმატებს.
მარკოს სენესის მიმართ ინტერესს სხვა კლუბებიც იჩენდნენ, მათ შორის ჩელსი, ლივერპული, ბარსელონა და იუვენტუსიც, თუმცა არგენტინელს კარიერის გაგრძელება მხოლოდ ტოტენჰემში სურდა.
შეგახსენებთ, ტოტენჰემმა რამდენიმე საათის წინ ენდი რობერტსონის ტრანსფერიც დახურა. "დეზებმა" გამოცდილი შოტლანდიელი ფეხბურთელი თავისუფალი აგენტის სტატუსით დაიმატეს.
