28 წლის ქართველი ჩოგბურთელის, მარიამ ბოლქვაძის მიზანი მიღწეულია - ბოლქვაძე 2026 წლის უიმბლდონის გათამაშების ძირითად ბადეში ითამაშებს.
ამ მიზნის მისაღწევად ქართველ სპორტსმენს საკვალიფიკაციო ეტაპზე სამი თამაშის მოგება დასჭირდა. მან ჯერ ავსტრიელი გრაბჰერი ორ სეტში დაამარცხა.
ამის შემდეგ იყო იაპონელი კინოშიტა, რომელსაც ასევე ორ სეტში 6:3 6:3 მოუგო და ფინალურ ეტაპზე გავიდა, სადაც მისი მეტოქე რუმინელი ვანდრომი იყო.
პირველი სეტი ბოლქვაძემ 6:4 მოიგო, მეორე სეტსი ამავე ანგარიშით დათმო, გადამწყვეტ სეტში კი ბრეიკით უპირატესობა მოიპოვა და 6:3 გაიმარჯვა.
ჯერჯერობით უცნობია, ვინ იქნება ბოლქვაძის მეტოქე უიმბლდონის ტურნირის ძირითად ბადეში.
