ლუის ენრიკემ პარი სენ-ჟერმენში მთავარი მწვრთნელის თანამდებობაზე განვლილ გზაზე ისაუბრა. მან გაიხსენა, რომ სულ რაღაც ორი წლის წინ, პსჟ-ს არავინ განიხილავდა ფავორიტად, მაგრამ დღეს, ესპანელი სპეციალისტის განკარგულებაშია გუნდი, რომელმაც ევროპის მთავარი საკლუბო ტურნირი მიყოლებით 2-ჯერ მოიგო.
"ორი წლის წინ, პარი სენ-ჟერმენს არავინ განიხილავდა ფავორიტად, თუმცა დღეს, სულ სხვა სიტუაცია არის. უნდა გავაგრძელოთ გამარჯვებები, იმისთვის, რომ აღნიშნული სტატუსი შევინარჩუნოთ. ცხადია, ასტონ ვილასთან შეხვედრაც მნიშვნელოვანია. წარმატება არ მოდის მარტივად, ჩვენ კი თავდაუზოგავად ვმუშაობთ.
პსჟ არის პროექტი, რომელშიც როგორც მწვრთნელმა ყველაზე მეტი ენერგია და რესურსი ჩავდე. იმედი მაქვს, რომ აქ კიდევ დიდი ხნით დავრჩები. ფანტასტიურია, როცა ყოველ სეზონს იწყებ კლუბის, ხელმძღვანელობისა და ქომაგთა ასეთი მხარდაჭერით", - განაცხადა "ლურჯ-წითელთა" დამრიგებელმა.
