პსჟ-მ ახალი სეზონისთვის მზადება დაიწყო, გუშინ პირველი ამხანაგური შეხვედრა ჩაატარა და მალიორკასთან 3:0 დამარცხდა.
მატჩის შემდეგ კომენტარი პარიზელთა მთავარმა მწვრთნელმა ლუის ენრიკემ გააკეთა.
"სწორი ანალიზის გაკეთება რთულია, რადგან ჯერ პირველი შეხვედრა ჩავატარეთ და შედეგი ნაკლებად მნიშვნელოვანია, აქ ყურადღება ფიზიკურ მომზადებას უფრო ექცევა.
კარგი პირველი ტაიმი გვქონდა, თუმცა მეორე გაშვებული გოლის დროს შეცდომები დავუშვით, რამაც შედეგზე გავლენა იქონია, თუმცა რაც მოხდა ნორმალურია.
ბევრი ახალგაზრდა ფეხბურთელი გვყავდა, მათი თამაშით კმაყოფილი ვარ და მიხარია, რომ საშუალება მაქვს, ამ მატჩებში აკადემიის ფეხბურთელები გამოვცადო.
ამხანაგურ მატჩს კიდევ ჩავატარებთ, მალე ძირითადი ბირთვი დაგვიბრუნდება და ნამდვილ პსჟ-ს ვიხილავთ", - განაცხადა ენრიკემ.
ევროპის მოქმედი ჩემპიონი მორიგ ამხანაგურ მატჩს 8 აგვისტოს, მანჩესტერ იუნაიტედის წინააღმდეგ გამართავს.
