ჩაბი ალონსოს თავისი საფეხბურთო კარიერის განმავლობაში არაერთი გამორჩეული მწვრთნელის ხელმძღვანელობით უთამაშია. ვისენტე დელ ბოსკე, კარლო ანჩელოტი, ჟოზე მოურინიო, პეპ გუარდიოლა და სხვები. თავად ესპანელი თავკაცის თქმით, ყველაზე დიდი გავლენა მასზე ბარსელონას ექს-დამრიგებელმა მოახდინა.
"ბაიერნში თამაშის დროს გუარდიოლასთან ახლო ურთიერთობა მქონდა. იმდენად ცნობისმოყვარე ვიყავი, რომ შემეძლო მასთან შესვლა და კითხვა, თუ რატომ მიიღო მან ეს თუ ის გადაწყვეტილება. ჩვენს შორის იყო ნდობა, შესაბამისად, მსგავსი საუბრები არასდროს ყოფილა ზედმეტი, თანაც იმ დროს უკვე კარიერას ვასრულებდი.
ყოველთვის მაინტერესებდა მწვრთნელის ფიქრები და მიდგომა. არ ვამბობ, რომ ჩემი ამ საქმეში გადასვლა იყო გარდაუვალი, უბრალოდ ამ ყველაფრის გაგება მინდოდა. მქონდა საკუთარი ხედვა და გამოცდილება, უბრალოდ მჭირდებოდა მრჩეველი, რომელიც საკუთარი თავის რეალიზებაში დამეხმარებოდა", - განაცხადა ლონდონის ჩელსის დამრიგებელმა.
