ესპანელი სპეციალისტი ჩაბი ალონსო ახალი სეზონიდან ლონდონის ჩელსის მთავარ მწვრთნელად იმუშავებს.
მოგეხსენებათ, ალონსო გასულ წელს რეალის თავკაცი იყო, თუმცა მხოლოდ რამდენიმე თვე დასცალდა და თანამდებობა დატოვა.
"საბედნიერდ, ჩემს კარიერაში ბევრი ნაიარევი არ მაქვს, მხოლოდ ერთი ჭრილობა მქონდა და ისიც შემიხორცდა (რეალში მუშაობა), მოტივირებული ვარ და გადავწყვიტე, ცხოვრების ახალი ეტაპით დავტკბე.
წარსულს რომ ვიხსენებ, დადებით მხარეებზე ვამახვილებ ყურადღებას და იმასაც ვაანალიზებ, რაც არ გამომივიდა, რათა სწორი დასკვნები გამოვიტანო, რადგან საქმეები ისე არ წავიდა, როგორც ველოდი.
თავისუფალი დრო ძირითადად საკუთარი თავის განვითარებისთვის გამოვიყენე, ტელევიზორი გავთიშე და ფეხბურთს არ ვუყურებდი", - განაცხადა ალსონსომ.
