ხორვატი მცველი იოშკო გვარდიოლი კარიერას კვლავ მანჩესტერ სიტიში გააგრძელებს! მიუხედავად იმისა, რომ ფეხბურთელის მიმართ სერიოზულ ინტერესს რეალ მადრიდი და ბარსელონა იჩენდნენ, 24 წლის მცველმა ინგლისში დარჩენა გადაწყვიტა და კლუბთან ახალ გრძელვადიან კონტრაქტს გააფორმებს.
გავრცელებული ინფორმაციით, "ქალაქელები" გვარდიოლს გაუმჯობესებულ პირობებს სთავაზობენ და ახალი კონტრაქტი 2031 წლამდე იქნება გათვლილი. ინგლისური კლუბის ხელმძღვანელობა ხორვატს ახალი პროექტის ერთ-ერთ მთავარ ფიგურად მიიჩნევს და მისი შენარჩუნება ყველასთვის პრიორიტეტული იყო.
ამრიგად, რეალ მადრიდი და ბარსელონა სასურველი ტრანსფერის გარეშე რჩებიან. ბოლო კვირების განმავლობაში ორივე ესპანური გრანდი აქტიურად აკვირდებოდა გვარდიოლის სიტუაციას, თუმცა ფეხბურთელმა საბოლოოდ "ეტიჰადზე“ დარჩენა არჩია და უახლოეს წლებში მანჩესტერ სიტის დაცვის ლიდერად დარჩება.
