ჟოან მიკუმ გააკრიტიკა დიდიე დეშამი და აღნიშნა, რომ ლუის დე ლა ფუენტემ, ლიონელ სკალონისთან ერთად, უფრო მოკლე დროში იგივე შედეგებს მიაღწიეს. ფრანგი ექს-ფლეიმეიქერი არ უკარგავს თანამემამულე სპეციალისტს დამსახურებებს, მაგრამ აღნიშნავს, რომ მას მეტის მიღწევაც შეეძლო.
"მუდმივად მესმის საუბრები იმის შესახებ, თუ როგორი დიდი მწვრთნელი არის დეშამი. შეგახსენებთ, რომ დე ლა ფუენტესა და სკალონის მიღწევები უფრო სოლიდურია, თანაც უფრო მოკლე დროში. ჩვენ ვსაუბრობთ სპეციალისტზე, რომელმაც 14 წელში მხოლოდ 1 ტიტული მოიგო. დიახ, მუნდიალი, მაგრამ ეს მაინც 1 თასია.
მადლობა დიდიეს იმისთვის, რომ საფრანგეთის ნაკრები მასთან ერთად გახდა მსოფლიო ჩემპიონი, თუმცა ნუ მეუბნებით, რომ ის სხვებზე მაღლა დგას. ყველაფერს თავისი სახელი ვუწოდოთ", - განაცხადა ბრემენის ვერდერის ექს-ფლეიმეიქერმა.
