დადასტურებულად — იბრაჰიმა კონატე ლივერპულს თავისუფალი აგენტის სტატუსით დატოვებს! მიუხედავად იმისა, რომ მხარეებს შორის წინასწარი სიტყვიერი შეთანხმება არსებობდა, როგორც ჩანს, საბოლოო დეტალებზე შეთანხმება ვერ შედგა, რის გამოც ფრანგი ფეხბურთელი ენფილდს ემშვიდობება.
ლივერპული და კონატე ახალი კონტრაქტის გაფორმებაზე დაახლოებით წელიწადნახევარი მუშაობდნენ. იმის ფონზე, რომ ორივე მხარეს თანამშრომლობის გაგრძელება სურდა, საკმაოდ უცნაურია, რომ შეთანხმებას ამ დრომდე ვერ მიაღწიეს — საბოლოოდ, 5-წლიანი ისტორია დასრულდა და ფრანგი ფეხბურთელი ახალ სეზონს, ახალ გუნდში დაიწყებს.
შეგახსენებთ, ბოლო თვეებში კონატეს მიმართ ინტერესს რეალ მადრიდი და პარი სენ-ჟერმენი იჩენდნენ. შესაბამისად, საინტერესო იქნება, ამ სიტუაციის შემდეგ რა პოზიცია ექნებათ აღნიშნულ კლუბებს. მოსალოდნელია, რომ საქმეში სხვა გუნდებიც ჩაერთვებიან, რადგან ასეთი დონის მცველის უფასოდ დამატება ბევრის გეგმებში იქნება.
