მას შემდეგ, რაც იუვენტუსმა ჩემპიონთა ლიგის საგზური ვერ მოიპოვა, "ბიანკონერის“ ზაფხულის გეგმები სრულად შეიცვალა. თუ აქამდე გუნდში რამდენიმე ხელშეუხებელი ფეხბურთელი იყო, ახლა ასეთი სტატუსი აღარავის აქვს.
გავლენიანი იტალიური გამოცემების ინფორმაციით, ანდრეა კამბიაზომ და ბრემერმა შესაძლოა იუვენტუსი ზაფხულში დატოვონ. ტურინული კლუბი ორივე ფეხბურთელის სანაცვლოდ ყველა შეთავაზებას განიხილავს, რაც იმას ნიშნავს, რომ როგორც იტალიელ მცველს, ისე ბრაზილიელსაც ახალი სეზონის სხვა გუნდში დაწყების რეალური შანსი აქვთ.
კამბიაზოს სავარაუდო სატრანსფერო ღირებულება €55-60 მილიონს შეადგენს, ხოლო ბრემერის — €45-50 მილიონს. ზაფხულის სატრანსფერო ფანჯრის მოახლოებასთან ერთად, ორივე ფეხბურთელის მომავალთან დაკავშირებით უფრო მეტი ინფორმაცია გახდება ცნობილი.
