ხვიჩა კვარაცხელიასა და ბუკაიო საკას დაპირისპირების სახით, ჩემპიონთა ლიგის ფინალში ვარსკვლავური შვიდიანების მორიგ დუელს ვიხილავთ. თუ ინგლისელი ვინგერი ევროპის მთავარი საკლუბო ტურნირის გადამწყვეტ შეხვედრაში თამაშობს პირველად, ქართველი ფლანგელისთვის ეს უკვე ზედიზედ მე-2 შემთხვევაა.
შეგახსენებთ, რომ ჩემპიონთა ლიგის გასული სეზონის ფინალში პარის სენ-ჟერმენმა ინტერ მილანი ანგარიშით 5:0 გაანადგურა. იმ მატჩში ნაპოლის ექს-ვინგერს არ ჰყოლია ღირსეული მოწინააღმდეგე 7 ნომრით ზურგზე, დღეს კი ის შეიძლება ითქვას, რომ ლონდონის არსენალის ლიდერს უპირისპირდება.
ვნახოთ, ვინ გამოვა გამარჯვებული პსჟ-სა და "მეთოფეების" შვიდიანების ბრძოლაში, იქამდე კი გავიხსენოთ სხვა გამორჩეული დაპირისპირებები ევროპის მთავარი საკლუბო ტურნირის გადამწყვეტ შეხვედრაში. შეგახსენებთ იმასაც, რომ "ლურჯ-წითლებისა" და მიკელ არტეტას შეგირდების დუელი 20:00 საათზე დაიწყება.
შვიდიანების შვიდი გამორჩეული დუელი ჩემპიონთა ლიგის ფინალში
| იოჰან ნეესკენსი V ჟოზე ალტაფინი | აიაქსი 1:0 იუვენტუსი | 1972/73 |
| კევინ კიგანი V ალან სიმონსენი | ლივერპული 3:1 მიუნხენგლადბახი | 1977/78 |
| კენი დალგლიში V ბრუნო კონტი | ლივერპული 1:1 (პენ. 4:2) რომა | 1983/84 |
| დევიდ ბექჰემი V მეჰმედ შოლი | მანჩესტერ იუნაიტედი 2:1 ბაიერნი | 1998/99 |
| რაულ გონსალესი V კლაუდიო ლოპესი | რეალი 3:0 ვალენსია | 1999/00 |
| კრიშტიანუ რონალდუ V ანტუან გრიზმანი | რეალი 1:1 (პენ. 5:3) ატლეტიკო | 2015/16 |
| ხვიჩა კვარაცხელია V ბუკაიო საკა | პსჟ ?:? არსენალი | 2025/26 |
