მთელი მსოფლიო სეზონის მთავარი მატჩის მოლოდინშია - 30 მაისს, ბუდაპეშტი პარიზულ-ლონდონურ დაპირისპირებას მასპინძლობს და ყველას ყურადღები უნგრეთის დედაქალაქისკენაა მიმართული.
ამ მატჩს თან დიდი დატვირთვა ახლავს - პსჟ ჩემპიონთა ლიგის თასის აწევას ზედიზედ მეორედ შეეცდება, არსენალი კი ისტორიაში პირველად. ორივე გუნდი ამ მატჩს კარგი განწყობით გახდა, ხანგრძლივი პაუზის შემდეგ არსენალი პრემიერ ლიგის გამარჯვებული გახდა, პსჟ-მ კიდევ ერთხელ მოიგო ლიგა 1-ის ტიტული.
ორივე გუნდი აღნიშნულ მატჩს სერიოზული დანაკლისის გარეშე ხვდება. უსმან დემბელეს და აშრაფ ჰაკიმის თამაში ეჭვქვეშ იყო, თუმცა პარიზელთა წამყვანმა ფეხბურთელებმა მატჩისწინა ვარჯიში სრული დატვირთვით ჩაატარეს და სათამაშოდ მზად არიან.
ლუის ენრიკე ("პსჟ"-ს მწვრთნელი): "ჩემპიონთა ლიგის ფინალში ფავორიტი არ არსებობს. ხვალინდელ შეხვედრები ჩვენი მთავარი მიზანი იქნება, რომ მომენტები მაქსიმალურად გამოვიყენოთ, რადგან ყველა წამს დიდი მნიშვნელობა ექნება.ჩემპიონთა ლიგის ფინალში თამაშზე უკეთესი მოტივაცია არ არსებობს. რა უნდა დავუპირისპიროთ არსენალს? - ჩვენი თამაში უნდა ვითამაშოთ და როგორც ვთქვი, მომენტები გამოვიენოთ.არსენალმა პრემიერ ლიგა მოიგო და მათ ეს დაიმსახურეს. მათ აჩვენეს, რომ უმაღლესი კლასის გუნდია და მათთან თამაში მარტივი არ იქნება.ყოველთვის, როცა ჩვენი გულშემატკივრების სიხარულს ვხედავთ, პოზიტიური ფაქრია. ვიცით, რა სიხარულს გამოიწვევს ჩვენი გამარჯვება და მათთვის ყველაფერს გავაკეთებთ"
მიკელ არტეტა ("არსენალის" მწვრთნელი): "ჩვენსა და პსჟ-ს შორის ერთი მთავარი განსხვავებაა - პსჟ მოქმედი ჩემპიონია და მათ ტიტული აქვთ დასაცავი, ჩვენ კი ამის გაკეთებას პირველად შევეცდებით.პრემიერ ლიგის სახით ერთი დიდი ტიტული უკვე მოვიეთ, თუმცა მეც და მოთამაშეებსაც უფრო მეტი გვსურს და მიზანი ჩემპიონთა ლიგის თასის აწევაა, რაც ადვილი არ იქნება, რადგან ევროპის საუკეთესო გუნდს ვეთამაშებით.3 ასპექტია, რითიც პსჟ-ს დამარცხენა შეგვიძლია - უნდა ვითამაშოთ დაუნდობლად, გვქონდეს მეტი გამბედაობა და გამარჯვების წყურვილი ყველა წამს და ყველა მომენტში.აქ ისტორიაში მეორედ ვიმყოფებით, ამჯერად ისტორია უნდა დაწეროთ და ჩემპიონობა ვიზეიმოთ. ჩემი ფეხბურთელები ამისთვის მზად არიან"
საინტერესო ფაქტები
- თუ პსჟ ჩემპიონი გახდება, ლუის ენრიკე იქნება მეოთხე მწვრთნელი, ვინც ჩემპიონთა ლიგას მესამედ მოიგებს, მსგავსი მიღწევა მხოლოდ ზიდანს, ანჩელოტის და გვარდიოლას აქვთ დაფიქსირებული.
- მარკინიოსისთვის ეს 122-ე ჩემპიონთა ლიგური მატჩი იქნება, რაც ბრაზილიელ ფეხბურთელებს შორის საუკეთესო შედეგია. მის შემდეგ, ლიგაზე ყველაზე მეტი მატჩი რობერტო კარლოსს აქვს - 120.
- პსჟ და არსენალი ერთმანეთს ისტორიაში სულ 7-ჯერ შეხვდნენმ საიდანაც გუნდებმა 2-2 მოგება გაცვალეს, 3 მატჩი კი ფრედ დასრულდა.
- „მეთოფეებს“ ამ სეზონში საუკეთესო დაცვა ჰყავთ, 14 თამაშში მხოლოდ ექვსი გაშვებული გოლით. ასევე, მათ პლეი-ოფში ექვსი თამაში ჩაატარეს ისე, რომ ღია თამაშიდან ერთი გოლიც არ გაუშვეს - ერთადერთი გუნდი, რომელმაც ეს მოახერხა.
- ლუის ენრიკეს შეგირდებმა ჩემპიონთა ლიგის ამ სეზონში 44 გოლი გაიტანეს,რაც ისტორიაში საუკეთესო მაჩვენებელია ბარსელონას შემდეგ (1999/2000 წლები, 45 გოლი)
- ხვიჩა კვარაცხელიას ლიგის ამ სეზონში სეზონში 16 საგოლე მოქმედება აქვს გაკეთებული (10 გოლი, 6 გოლი) და საუკეთესოთა შორისაა- აქედან 10 (7 გოლი, 3 გოლი) პლეი-ოფში.
- მწვრთნელები, რომელთაც ჩემპიონთა ლიგაზე 50-ზე მეტი მატჩი აქვთ ჩატარებული, ენრიკეზე უკეთესი მოგების პროცენტი არავის არ აქვს (64%).
- ისტორიაში პირველად ხდება, როცა ჩემპიონთა ლიგის ფინალში ერთმანეთს ორი ესპანელი მწვრთნელი დაუპირისპირდება - ლუის ენრიკე მიკელ არტეტას წინააღმდეგ.
პსჟ - არსენალი
ჩემპიონთა ლიგის ფინალი
30 მაისი, 20:00 (თბილისის დროით)
ბუდაპეშტი, პუშკაშ არენა
მთავარი მსაჯი: დანიელ შიბერტი (გერმანია)
სავარაუდო შემადგენლობები:
პსჟ: საფონოვი, ჰაკიმი, პაჩო, მარკინიოსი, ნუნო მენდეში, ფაბიან რუისი, ვიტინია, ჟოაო ნევეში, დემბელე, დუე, კვარაცხელია
არსენალი:დaვიდ რაია; კრისტიან მოსკერა, უილიამ სალიბა, გაბრიელ მაგალაესი, პიერო ჰინკაპი, ლუის-სკელი, დეკლან რაისი, მარტინ ოდეგორი, ბუკაიო საკა, ვიქტორ გიოკერესი, ლეანდრო ტროსარი
