ტრანსფერი დაიხურა, ზეკი ჩელიკი რომადან კარიერას იუვენტუსში გააგრძელებს! მხარეებს შორის ყველაფერი შეთანხმებულია, 29 წლის ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
იუვენტუსი ჩელიკს თავისუფალი აგენტის სტატუსით დაიმატებს. თურქი ფეხბურთელი ტურინულ გრანდთან 3-წლიან კონტრაქტს გააფორმებს.
იმის მიუხედავად, რომ ჩელიკი რომაში დარჩენასა და ახალი კონტრაქტის გაფორმებას გეგმავდა, თურქმა ფეხბურთელმა წინასწარი სიტყვიერი შეთანხმება დაარღვია და კარიერას "ბიანკონერიში" გააგრძელებს.
როგორც იწერება, იუვენტუსი ამაზე გაჩერებას არ აპირებს და მინიმუმ 3-4 ახალ მოთამაშეს კიდევ დაიმატებს.
