საქართველოს ფუტსალის ნაკრები ზედიზედ მეორე ევროპის ჩემპიონატზე მიემგზავრება. დღეს ჩვენმა გუნდმა თბილისის ოლიმპიურ სასახლეშიბოლო ვარჯიში გამართა.
ვარჯიშშ სფფ-ის პრეზიდენტი ლევან კობიაშვილი და პრემიერ-მინისტრი კობახიძე დაესწრნენ და საქართველოს ნაკრებს წარმატებს წარმატება უსურვეს.
ლევან კობიაშვილი: "გვიხარია და ვამაყობთ, რომ ფუტსალის ნაკრები ზედიზედ მეორედ იასპარეზებს ევროპის ჩემპიონატზე. იმედიანად ვართ და გვჯერა, რომ სადებიუტო ევროპის ჩემპიონატის მსგავსად, ახლაც წარმატებით ვიასპარეზებთ. ძალიან კარგი და მოტივირებული გუნდი გვყავს. მინდა ბიჭებს მადლობა გადავუხადო, კიდევ ერთხელ მივულოცო ევროპის ჩემპიონატზე გასვლა და წარმატებები ვუსურვო“.
ირაკლი კობახიძე: „როგორც რიგითმა გულშემატკივარმა, მინდა დიდი მადლობა გადაგიხადოთ. ნიჭთან ერთად, ის წარმატება, რასაც თქვენ მიაღწიეთ, ძალიან დიდი შრომის შედეგია და ამისთვის განსაკუთრებული მადლობა გეკუთვნით. მინდა, დიდი წარმატება გისურვოთ უკვე ევროპის ჩემპიონატზე. დარწმუნებული ვარ, ეს ყველაფერი მხოლოდ დასაწყისია და წლების განმავლობაში კიდევ უფრო მეტ წარმატებას მიაღწევთ. თქვენ ჩაუყარეთ ამას საფუძველი. გისურვებთ წარმატებულ და ბედნიერ წელს და წარმატებებს ევროპის ჩემპიონატზე“.
საქართველოს ფუტსალის ნაკების მტავი მწვრთნელის, ავთანდილ ასათაინის თქმით გუნდი ევროპის ჩემპიონაზე თავდადებით ითამაშებს:
„ვფიქრობ, მზად ვართ ევროპის ჩემპიონატისთვის. თბილისში დასკვნითი ვარჯიშის შემდეგ ლატვიაში გავემგზავრებით. მნიშვნელოვანია, რომ სახელმწიფოს მხრიდან მხარდაჭერას ვგრძნობთ, რაც ასეთ დროს ფეხბურთელებს დამატებით მოტივაციას აძლევს. მჯერა, რომ ყველას შეგვიძლია მინიმუმ ის წარმატება გავიმეოროთ, რაც წინა ევროპის ჩემპიონატზე გვქონდა. ყველას ვპირდებით თავდადებას. ვამაყობთ იმით, რომ წარმოვადგენთ ჩვენს ქვეყანას ასეთ მაღალ დონეზე, რასაც ევროპის ჩემპიონატი ჰქვია," - განაცხადა ავთანდილ ასათიანმა
საქართველოს ფუტსალის ნაკრები ზედიზედ მეორე ევროპის ჩემპიონატზე 18 იანვარს გაემგზავრება. 19 იანვარს კი ნაკრების მთავარი მწვრთნელი ავთანდილ ასათიანი 14-კაციან შემადგენლობას დაასახელებს, რომელიც ევრო 2026-ზე საქართველოს ღირსებას დაიცავს.
საქართველოს ფუტსალის ნაკრების ჯგუფური ეტაპის მატჩების განრიგი
21 იანვარი| ლატვია - საქართველო (რიგა, ლატვია)
25 იანვარი| ხორვატია - საქართველო (რიგა, ლატვია)
28 იანვარი| საქართველო - საფრანგეთი (კაუნასი, ლიეტუვა)
ფოტო: საქართველოს ფეხბურთის ფედერაცია
