შეთანხმება შედგა, სანტიაგო კასტრო ბოლონიადან კარიერას რომაში გააგრძელებს! 21 წლის არგენტინელ შემტევს რომში უკვე ელოდებიან, სადაც სამედიცინო შემოწმებას გაივლის და კლუბთან კონტრაქტს ხელს მოაწერს.
"ჯალოროსი" კასტროს სანაცვლოდ €35 მილიონს გადაიხდის, არგენტინელი ფეხბურთელი კი ახალ კლუბთან 5-წლიან კონტრაქტს გააფორმებს.
მას შემდეგ, რაც რომამ კრისენსიო სამერვილისა და მეისონ გრინვუდის დამატება ვერ მოახერხა, კლუბი სხვა კანდიდატურებზე გადაერთო. გასპერინიმ მინიმუმ ორი ახალი შემტევის დამატება მოითხოვა, რომელთაგან ერთ-ერთი სწორედ კასტრო იქნება. რომა უახლოეს პერიოდში კიდევ ერთ ვინგერსაც დაიმატებს, რის შესახებაც უფრო მეტ ინფორმაციას მომდევნო დღეებში მოგაწვდით.
