რეალ მადრიდი ზაფხულის სატრანსფერო ფანჯარაზე აქტიურობას აგრძელებს. ბოლო საათებში გავრცელებული ინფორმაციის თანახმად, ესპანური გრანდი ერთდროულად ცდილობს როგორც როდრის, ისე იან დიომანდეს გაფორმებას. როდრის შემთხვევაში გადაწყვეტილება უკვე მიღებულია — მადრიდელები მის დამატებას გეგმავენ და კლუბში დარწმუნებულებიც არიან, რომ ესპანელს აუცილებლად გაიფორმებენ. გავრცელებული ინფორმაციით, მსოფლიო ჩემპიონატზე ნაჩვენებმა თამაშმა "სამეფო კლუბს“ საბოლოო გადაწყვეტილების მიღებაში მნიშვნელოვანი როლი ითამაშა.
რაც შეეხება იან დიომანდეს, რეალმა უკვე გააკეთა პირველი შეთავაზება, თუმცა ლაიფციგმა €100 მილიონიანი წინადადება დაბლოკა. მიუხედავად ამისა, მადრიდული კლუბი მოლაპარაკებებს არ წყვეტს და გერმანულ კლუბთან კონტაქტს აგრძელებს, პარალელურად კი ფეხბურთელის წარმომადგენლებთანაც აქტიური მოლაპარაკებები მიმდინარეობს.
რეალ მადრიდში დიომანდეს მარჯვენა ფლანგის შემტევის პოზიციაზე განიხილავენ. როგორც იწერება, მაიკლ ოლისეს დამატება სულ უფრო და უფრო რთული ხდება, სწორედ ამირომ კლუბმა მთავარი ყურადღება სწორედ დიომანდეზე გადაიტანა და ახლა მისი გაფორმება ერთ-ერთ პრიორიტეტად მიიჩნევა.
რეალ მადრიდი აღნიშნული ფეხბურთელების დამატებას უახლოეს კვირებში შეეცდება, შესაბამისად, მომდევნო დღეებში ამ ორ პოტენციურ ტრანსფერთან დაკავშირებით კიდევ უფრო მეტ ინფორმაციას ველოდებით.
