ლეგენდარული ესპანელი ჩოგბურთელი რაფაელ ნადალი ვრცელ ინტერვიუში რამდენიმე საკითხზე საუბრობს, მათ შორის მადრიდის რეალის ამჟამინდელ მდგომარეობაზე.
მოგეხსენებათ, რამდენიმე დღის წინ, სამეფო კლუბში საპრეზიდენტო არჩევნები გაიმართა, რომლის გამარჯვებულიც ფლორენტინო პერესი გახდა.
როლან გაროსის გამარჯვებულზე: "მისი ყოველთვის მჯეროდა. ვფიქრობ, ზვერევი ისეთი ტიპის მოთამაშეა, რომელიც დიდი სლემის ტიტულს აუცილებლად ისმახურებდა. წელს მას ამის შანსი მიეცა და გამოიყენა. მიხარია, რომ ზვერევისნაირმა ჩოგბურთელმა ოცნება აისრულა და როლან გაროსი მოიგო."
არჩევნები მადრიდის რეალში: "ხმა არ მიმიცია, თუმცა ორივე მოთამაშემ კარგი კამპანია ჩაატარა. ჩემი აზრით, ფლორენტინო პერესი რეალის ისტორიაში საუკეთესო პრეზიდენტია და მისი ერა ჯერ არ დასრულებულა. ფლორენტინო უკვე 26 წელია რეალშია და ადრე თუ გვიან, მას წასვლა მოუწევს. რა მოხდება მომავალში, ამის პროგნოზირება რთულია."
თანამედროვე ჩოგბურთზე: "დღეს ბევრი კარგი მოთამაშეა, აღფრთოვანებული ვარ რაფა ხოდარის პროგრესით, რომელმაც რეიტინგში წინ დიდი ნაბიჯები გადადგა და მსგავსი რამის გაკეთება მხოლოდ ნიჭიერ ჩოგბურთელებს შეუძლიათ. მალე ტრავმის შემდეგ ალკარასიც დაბრუნდება, რომელიც საუკეთესოა. დიდ პროგრესს განიცდის აკადემიის მოთამაშემარტინ ლანდალუსე, რომელიც მალე დიდ ჩოგბურთს ითამაშებს."
საუკეთესო ჩოგბურთელი: "ჩემი აზრით, კარლოს ალკარასი არამხოლოდ დღეს, არამედ მსოფლიო ჩოგბურთის ისტორიასი უკვე ერთ-ერთი საუკეთესო მოთამაშეა. დანარჩენებზე კი რა ვთქვა, მოგვიწევს ლოდინი, თუ ვნახოთ, რა შეუძლიათ, თუმცა ვიცით, რომ ისინიც კარგი მოთამაშეები არიან."
