ტრანსფერი დაიხურა, რაფაელ ლეაუ მილანიდან კარიერას გალათასარაიში გააგრძელებს! მხარეებს შორის ყველაფერი შეთანხმებულია, 27 წლის პორტუგალიელ ფეხბურთელს ახალ კლუბში ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
გალათასარაი ლეაუს სანაცვლოდ დაახლოებით €45 მილიონს გადაიხდის. პორტუგალიელი ფეხბურთელი თურქულ კლუბთან გრძელვადიან კონტრაქტს გააფორმებს.
რაფაელ ლეაუ მილანის ღირსებას 2019 წლიდან მოყოლებული იცავდა, ამ დროში კი პორტუგალიელმა ფეხბურთელმა 291 მატჩის ჩატარება მოასწრო, გაიტანა 80 გოლი და 65 საგოლე გადაცემითაც გამოიჩინა თავი.
