დადასტურებულად — იუვენტუსი ალექსანდერ სორლოთს პირადი კონტრაქტის პირობებზე შეუთანხმდა! რამდენიმე დღის წინ ნორვეგიელის აგენტთან დაწყებული მოლაპარაკებები წარმატებით დასრულდა და მხარეებს შორის საბოლოო შეთანხმება შედგა. ახლა კი "ბიანკონერი“ ატლეტიკო მადრიდთან სატრანსფერო თანხის შეთანხმებაზე მუშაობს.
მას შემდეგ, რაც დუშან ვლაჰოვიჩმა ტურინული გრანდის დატოვება გადაწყვიტა, იუვენტუსმა ახალი ცენტრალური თავდამსხმელის ძიება დაიწყო. გავრცელებული ინფორმაციით, კლუბის სიაში რამდენიმე კანდიდატია, თუმცა ლუჩანო სპალეტისთვის ალექსანდერ სორლოთი მთავარი, ანუ #1 სამიზნეა.
ინფორმაციისთვის, იუვენტუსი ჯონათან დევიდისა და ლუის ოპენდას გაყიდვასაც გეგმავს, რაც იმას ნიშნავს, რომ "ბიანკონერი“ ზაფხულის სატრანსფერო ფანჯრის პერიოდში შეტევის ხაზს გადაახალისებს და, სავარაუდოდ, სამ ახალ ფორვარდს დაიმატებს.
