როგორც მოგეხსენებათ, პეპ გუარდიოლა მანჩესტერ სიტის მთავარი მწვრთნელი აღარ იქნება. მის ადგილს დაიკავებს ენცო მარესკა, თავად ესპანელი სპეციალისტის შემდეგი ნაბიჯი კი უცნობია. გთავაზობთ 3 შესაძლო ვარიანტს, თუ სად შეიძლება აღმოჩნდეს ლეგენდარული ტაქტიკოსი.
City Football Group-ის სტრუქტურაში დარჩენა - გუარდიოლამ სეზონის მსვლელობისას არაერთხელ აღნიშნა, რომ მას მან სიტისთან კიდევ ერთწლიანი ხელშეკრულება აკავშირებს. ნიშნავს თუ არა ეს იმას, რომ ესპანელი სპეციალისტი დარჩება მანჩესტერელთა სტრუქტურაში, მაგრამ სხვა პოზიციაზე?
პეპი ულაპარაკოდ ყველაზე ავტორიტეტული და მნიშვნელოვანი კადრია მთელ City Football Group-ში და მისი დარჩენა ამ სტრუქტურას დიდ სტრატეგიულ განვითარებას მოუტანდა. თანამედროვე ფეხბურთში მსგავსი რამ უკვე ვიხილეთ, როცა იურგენ კლოპი რედ ბულის საფეხბურთო მიმართულების დეპარტამენტის უფროსი გახდა.
იტალიის ნაკრები - ეს ვარიანტი აქტუალური გახდა მას შემდეგ, რაც მსოფლიოს სამგზის ჩემპიონები ზედიზედ მესამე მუნდიალზე ვერ მოხვდნენ. გუარდიოლას "აძურიში" მისვლას უკავშირებენ რობერტო ბაჯოს, რომელსაც მასთან ჯერ კიდევ ბრეშადან მეგობრული ურთიერთობა ჩამოუყალიბდა.
სხვა რომელიმე ტოპ ნაკრები - პეპს წარსულში გამოუთქვამს სურვილი სანაკრებო ფეხბურთში ძალების მოსინჯვის შესახებ. ყველაფერი იქნება დამოკიდებული იმაზე, თუ როგორ ჩაატარებენ ეროვნული გუნდები მოახლოებულ მუნდიალს. ყველაზე რეალურ ვარიანტად ითვლება ინგლისი, ტომას ტუხელის წარუმატებლობის შემთხვევაში.
