პრემიერ ლიგამ დაადასტურა, რომ დამოუკიდებელმა კომისიამ მანჩესტერ სიტი ცხრა სეზონის განმავლობაში ფინანსურ წესებთან დაკავშირებულ ყველა სერიოზულ დარღვევაში დამნაშავედ ცნო. აღნიშნულ ფაქტს გამოეხმაურა "ქალაქელთა" წარმატების მთავარი შემოქმედი, პეპ გუარდიოლა.
"მინდა, რომ მანჩესტერ სიტის თითოეულმა გულშემატკივარმა მთელი მსოფლიოს მასშტაბით იცოდეს - კლუბის გვერდით ვარ, ისე ახლოს, როგორც არასდროს. ყოველთვის ვიყავი, ვარ და ვიქნები "ქალაქელთა" მხარეს. პირველ რიგში, ჩვენს საოცარ ქომაგთა გვერდით ვარ. ყველაფერს დავძლევთ, რა თქმა უნდა, ერთად", - განაცხადა ესპანელმა სპეციალისტმა.
გავიხსენოთ კიდევ ერთხელ, თუ რა ბრალდებებზეა საუბარი - ფინანსური ანგარიშების ზუსტი სახით და დროულად არ წარდგენა (54 შემთხვევა); მოთამაშეებისთვისა და გუნდის დამრიგებელთათვის გადახდილი კომპენსაციის შესახებ ზუსტი ინფორმაციის არ წარდგენა (14); უეფას ფინანსური ფეირ-პლეის წესების დარღვევა (5).
სხვა ბრალდებები - პრემიერლიგის მდგრადობის რეგულაციების დარღვევა (7); პრემიერლიგის მიერ წარმოდგენილ გამოძიებასთან არ თანამშრომლობა (35).
