![[VIDEO] პეპს უფრო და უფრო ემსგავსება - მარესკამ გუარდიოლასგან კიდევ ერთი თვისება აიღო](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUXKewH8qSoOsPv8uyjZZEsG9OoCHiwgY.png&w=3840&q=75)
პეპ გუარდიოლას მთელი სამწვრთნელო კარიერის განმავლობაში არაერთი დასამახსოვრებელი თვისება ჰქონდა. ერთ-ერთი ასეთი იყო სათამაშო ეპიზოდების განხილვა პირდაპირ მოედანზევე, როგორც თავის შეგირდებთან, ისე ოპონენტებთანაც. დიახ, ესპანელი სპეციალისტი არ ელოდებოდა გასახდელში შესვლას ან პრესკონფერენციას, ის შეხვედრის დასრულებისას იძლეოდა მითითებებს.
ეს ტრადიცია მანჩესტერ სიტიში არ გაქრება აწმყოშიც, რადგან ბარსელონას ყოფილი მწვრთნელის აღნიშნული ჩვევა ენცო მარესკამაც გადაიღო. ბორნმუთთან შეხვედრის დასრულების შემდეგ, იტალიელმა სპეციალისტმა გამოიჭირა რაიან შერკი, რომელმაც იმ თამაშში გაიფორმა 2 ასისტი, მაგრამ დამრიგებლისგან მითითებები მან მაინც მიიღო.
აღსანიშნავია ისიც, რომ ხოსეპის ბოლო სეზონში მატჩის შემდეგ მისი ყველაზე ხშირი "მსმენელი" სწორედ ფრანგი ნახევარმცველი იყო. როგორც ვხედავთ, მსგავსება 55 წლის სპეციალისტსა და "ქალაქელთა" ამჟამინდელ დამრიგებელს შორის იმატებს დღითიდღე, მაგრამ თამაშის ხარისხზე ეს ჯერჯერობით არ ასახულა.
Student: Rayan Cherki. 🧑🎓
— Premier League (@premierleague) August 23, 2026
Teacher: Enzo Maresca. 👨🏫 pic.twitter.com/rwl1h6bFCE
