ო'მალი: "გაამზადეთ თვითმფრინავი, ესპანეთში ილია თოფურიასთან მივდივარ"

UFC 299-ზე შონ ო'მალიმ ჩიტო ვერა დაამარცხა და ჩემპიონის ტიტული შეინარჩუნა. ბრძოლის შემდეგ, ამერიკელმა მებრძოლმა ილია თოფურია გამოიწვია.

"დანა, გაამზადე თვითმფრინავი, ესპანეთში ილია თოფურიასთან მივდივარ - მე მასთან მინდა ბრძოლა და მომეცით შესაძლებლობა. ზედა წონაში ასვლა და ორმაგი ჩემპიონობა მსურს, მაგრამ თუ გინდათ, რომ მერაბ დვალიშვილი დავანოკაუტო, მაგასაც გავაკეთებ" - განაცხადა შონ ო'მალიმ.

შონ ო'მალიმ ჩიტო ვერა 5-რაუნდიან ორთაბრძოლაში აშკარა უპირატესობით დაამარცხა და კარიერაში პირველად დაიცვა ჩემპიონის ქამარი.