როგორც ჩანს, ხულიან ალვარესისა და ბარსელონას შესაძლო ტრანსფერის შესახებ გავრცელებულმა ცნობებმა ატლეტიკო მადრიდი საკმაოდ გააღიზიანა, რის შემდეგაც მადრიდულმა კლუბმა სოციალურ ქსელში განცხადება გამოაქვეყნა.
"გახსოვდეთ, ყალბი პოსტის შექმნას სულ რაღაც ხუთი წუთი სჭირდება. ჩვენ ისეთ ეპოქაში ვცხოვრობთ, სადაც რეალობის შეცვლაც შესაძლებელია. ნუ დაიჯერებთ ყველაფერს, რასაც ხედავთ — განსაკუთრებით მაშინ, როცა ეს ბარსელონას უკავშირდება.“
ამ განცხადებას ატლეტიკომ ფოტოებიც დაურთო, რომლებშიც ლამინ იამალი, რაფინია და პედრი მადრიდული კლუბის ფორმებში არიან გამოსახულნი. აღწერაში კი კლუბმა საკმაოდ დამცინავი ტექსტი გამოიყენა.
