UFC ედმონტონი: მორენო VS. ალბაზი | ყოფილი ჩემპიონი პროსპექტის წინააღმდეგ

ბრენდონ მორენო ოქტაგონს UFC-ში დაუმარცხებელი პროესპექტის წინააღმდეგ უბრუნდება.

LFA-ისა და UFC-ის ყოფილი ჩემპიონი ბრენდომ მორენო ოქტაგონს ძალიან მშიერი მეტოქის წინააღმდეგ დაუბრუნდება. მორენო UFC-ში მოხვედრის დღიდან ელიტურ მებრძოლებს უპირისპირდებოდა. Flyweight-ში ის ერთ-ერთი ყველაზე გამოცდილი მებრძოლია. მასში ყველაზე მეტად ის მომწონს, რომ მორენოს წაგება მენტალურად ზიანს ვერ აყენებს.

The Assassin Baby UFC-ში 2016 წელს მოხვდა, თუმცა 2018-ში ორგანიზაციიდან გაუშვეს. როგორც წესი, მსგავსი ამბები მებრძოლების ფსიქოლოგიას გამოუსწორებელ ზიანს აყენებს, თუმცა მორენომ, არც მეტი არც ნაკლები, LFA-ის ქამარი მოიპოვა და ორგანიზაციაში ხმაურიანად დაბრუნდა. ეს ყველაფერი არ არის - ის უკვე UFC-ის საჩემპიონო დონის მებრძოლი იყო და ქამარი დეივესონ ფიგუირედოს წინააღმდეგ მოიპოვა კიდეც. შემდგომ იყო მარცხი ფიგისთან საჩემპიონო რემატჩში, თუმცა ამანაც ვერ გატეხა იგი და კაი კარა-ფრანსის დამარცხებით ჯერ დროებითი ქამარი მოიპოვა, შემდეგ კი კვლავ ფიგეირედოსთან ლეგენდად ქცეულ დუელში, მათ მეოთხე დაპირისპირებაში, უმსუბუქესი წონის მეფე კიდევ ერთხელ გახდა.

ახლა მორენოს საკმაოდ რთული პერიოდი უდგას. მან ქამარი ალეშანდრე პანტოჟასთან დათმო და შემდგომ ბრენდონ როივალთან 5-რაუნდიან ორთაბრძოლაში მსაჯების გაყოფილი გადაწყვეტილებით დამარცხდა. თუმცა, მორენოს წინააღმდეგ ახლა საერთოდ სხვა მებრძოლია. UFC-ში დაუმარცხებელი ამირ ალბაზი, რომლის ანგარიშზეც 17 მოგება და მხოლოდ 1 მარცხია - ეს მარცხი მან 2019-ში Brave CF-ში იწვნია.

სტილისტური დაპირისპირება - მებრძოლების ძლიერი მხარეები

მარტივად რომ ვთქვათ - ეს ბრძოლა ორი უნივერსალური, მაგრამ ერთმანეთისგან რადიკალურად განსხვავებული მებრძოლის დაპირისპირებაა. მორენოს არაჩვეულებრივი მექსიკური კრივი აქვს. მას უყვარს ახლო დისტანციაზე გაცვლებიც და შორ მანძილზე მუშაობაც, ბრენდონს პრობლემას არც დისტანციის სწრაფად დახურვა უქმნის. იგი საკმაოდ ამტანია და ზიანის მიღებაც შეუძლია. ზიანის მიღებაში მხოლოდ გადარჩენას არ ვგულისხმობ. მას შეუძლია, რომ ზიანის მიუხედავად მაინც სახიფათო იყოს. ეს კარგად გამოჩნდა კაი კარა-ფრანსთან, მაშინ როდესაც ახალზელანდიელმა მორენოს უდიდესი ზიანი მიაყენა, მექსიკელმა გამოსავალი მაინც იპოვნა და ფეხით ღვიძლში უძლიერესი დარტყმა გაუშვა, რაც მორენოსგან მოულოდნელი იყო.

როგორც წესი, ბრენდონი დგომში მხოლოდ ხელებს იყენებს. ეს მის მაღალ საბრძოლო IQ-ზეც მიუთითებს. თუმცა, მორენოს უძლიერეს მხარედ მაინც მისი ჯიუ-ჯიცუ რჩება. უმაგრესი ხელებისა და კრივის მიუხედავად, ძირითადად, მაინც მტკივნეული ილეთებით იმარჯვებს. მორენოს "საბმიშენით" კარიერაში 11 გამარჯვება აქვს მოპოვებული. ფიგეირედოსთანაც ქამარი სწორედ ჯიუ-ჯიცუს დამსახურებით მოიპოვა, ამ ბრძოლაში მან ზურგი აიღო და მეტოქე მარყუჟით მოახრჩო. მას შემდეგ, რაც მორენო UFC-ში დაბრუნდა მახრჩობელათი მხოლოდ ეს ერთი მოგება აქვს, მაგრამ ვინც მის ბრძოლებს აკვირდება - დარწმუნდება, რომ მიწაზე გაცვლებში ის ძალიან კარგია.

ამირი სხვანაირი მებრძოლია. მაშინ, როდესაც მორენო აქცენტს კლასსა და ტექნიკაზე აკეთებს, ცდილობს რომ დახვეწილი და იდეალური იყოს, ამირი მეტად ფიზიკური მებრძოლია. დგომში კომბინაციები მას დიდად არ ახასაითებს, ძირითადად ერთჯერად, წერტილვან დარტყმებს უშვებს ხოლმე - რითაც კაი კარა-ფრანსი რამდენჯერმე დააზიანა - ეს საკმაოდ რთული საქმეა.
ალბაზის აშკარად უძლიერესი ხელები აქვს. იგი ასევე კარგი პირველი ნომერია, მეტოქეს წნეხში ეფექტურად აქცევს, რაც დიდი პლუსია. ამირი ხშირად ცდილობს მეტოქის გალიასთან მოქცევას და იქ ძლიერი დარტყმების შემდეგ ბრძოლის მიწაზე გადატანას. კაი კარა-ფრანსთან ეს გამოვიდა, მაგრამ, რა იქნება მორენოსთან? კი, ამირი ფიზიკურად ძლიერია, მაგრამ კლასში მორენოსა და ალბაზის შორის კოლოსალური სხვაობაა.

ვფიქრობ, მორენო დგომის ერთჯერად დარტყმებზე კარგ კონტრშეტევებს ააგებს და მეტოქეს დგომში დაჯაბნის. დარწმუნებული ვარ, ამირი მორენოს ცენტრს წაართმევს, მას ეს არ უნდა გაუჭირდეს, მაგრამ იმ შემთხვევაში თუ მექსიკელს მიწაზე გადაიყვანს, არ მგონია ამირმა შეძლოს და ყოფილი ჩემპიონი 5 რაუნდის განმავლობაში აკონტროლოს. მორენოს არამარტო კარგი მახრჩობელები აქვს, არამედ, ზოგადად, გრეპლინგის გაცვლებში და ე.წ "სვიპებსა" და "რევერსებში" (ანუ მარტივად რომ ვთქვათ მეტოქის გადატრიალებებში) ძალიან ეფექტურია.

სწორედ ამიტომ ვფიქრობ, რომ მორენო, თავისი ტექნიკის ხარჯზე, ამირს ორგანიზაციაში პირველ მარცხს აგემებს, მაგრამ მეთოდზე საუბარი გამიჭირდება. არც მახრჩობელა და არც ნოკაუტი არ გამიკვირდება, თუმცა ბრძოლის ბედის მსაჯების ხელში გადაწყვეტაც მოსალოდნელია, რადგან ამირი გამძლეა.

ერინ ბლენჩფილდი VS. როუს ნამაიუნასი

დიდი ხნის განმავლობაში როუზი ჩემი საყვარელი ქალი მებრძოლი იყო, მაგრამ ამ ბრძოლაში მის მხარეს გადახრა გამიჭირდება. როუზი როგორც კარგი სტრაიკერი, ასევე ჯიუ-ჯიცუს ოსტატია, თუმცა ერინ ბლენჩფილდი უბრალოდ უკონკურენტო მოჭიდავეა. მისი გდებები, წნეხი და კონტროლი საერთოდ სხვა დონეზეა. ცხადია, როუზი ამ ბრძოლაში უშანსოდ არ არის. მეტიც, მგონია, რომ ნამაიუნასი დგომში საგრძნობლად აჯობებს ერინს, მაგრამ ერინი ის მებრძოლია, რომელმაც ჯესიკა ანდრაჟი ფიზიკური ძალით დაჯაბნა და უმარტივესად დაახრჩო. ვფიქრობ, რომ ფიზიკისა და პარტერში უმაგრესი დონის ხარჯზე ბლენჩფილდმა როუზი უნდა დაამარცხოს. იქიდან გამომდინარე, რომ როუზიც ძალიან ტექნიკურია, ვფიქრობ, ერინს პარტერში ფინიშის აღება გაუჭირდება, მაგრამ, საბოლოოდ, ბრძოლაში მსაჯთა გადაწყვეტილებით გაიმარჯვებს.

დერიკ ლუისი VS. ჯონათა დინიზი

ამ წონის აბოლუტური ლეგენდა ახალმოსული დაუმარცხებლის წინააღმდეგ. დინიზის შესახებ MMA-ის კომუნამ ბევრი არაფერი ვიცით, მაგრამ ამავრდოულად, მისი შედეგი 8-0 მრავლის მთქმელია. ქიქბოქსინგში ბრაზილიელი სხვადასხვა ორგანიზაციის რამდენიმე გზის ჩემპიონია და უმძიმესი ხელები აქვს, თუმცა მიწაზე საკმაოდ სუსტია. ვფიქრობ, არც მისი კარდიოა გამორჩეული და დგომში დაცვაც საკმაოდ სუსტი აქვს. იგი ბროძლებში ბევრ დარტყმას იღებს, უბრალოდ მას კარგი ყბა და ძალიან ძლიერი ხელები აქვს - გამარჯვების მოსაპოვებლად სწორედ ეს ყოფნის. ჯონათა კურტის ბლეიდსთან ან სხვა მსგავს მძიმეწონასთან განწირული მომეჩვენებოდა, თუმცა ლუისთან საინტერესო ჩხუბი იქნება. დერიკისგან ნასიმენტოსთან სასწაული ვიხილეთ. მან ჭიდაობა დაიწყო, რაც ამდენი წლის განმავლობაში არ უქნია. ასევე, ლუისს ბინძური კრივიც უყვარს და "ქლინჩს" აქტიურად იყენებს. ვფიქრობ, თუ დერიკ ლუისი ჭკვიანურად იჩხუბებს ამ ბრძოლაში ნოკაუტს იპოვნის. თითქმის დარწმუნებული ვარ, რომ ეს ჩხუბი ნოკაუტით დასრულდება. MMA ქიქბოქსინგისგან განსხვავდება და ეს ლევისმა კარგად იცის - ვფიქრობ, ლუისი ახალ პროსპექტს ჩაძირავს.

მაიკ მალოტი VS. ტრევინ ჯაილსი

კანადური ივენთი მაიკ მალოტის გარეშე წარმოუდგენელია. მიუხედავად იმისა, რომ ბოლო დაპირისპირებაში ნილ მაგნისთან „მოგებული“ ბრძოლა დათმო, ვფიქრობ, რომ მალოტი ტექნიკურად ძალიან კარგი მებრძოლია და ტრევინ ჯაილსთან გამარჯვების მოპოვება უნდა მოახერხოს. თან, მაგნისთან მარცხით გაკვეთილებს მიიღებდა და ვფიქრობ, ამჯერად კარდიოს გადაანაწილებს. შეიძლება მან ზედმეტად ფრთხილადაც იჩხუბოს, 100%-იანი ფინიშების მაჩვენებელი გააფუჭოს და პირველი ქულებით მოპოვებული გამარჯვება ჩაიწეროს.

ჯეკ შორი VS. იუსეფ ზალალი

ილია თოფურიამ ზალალი UFC-ში სადებიუტო ბრძოლაში დაამარცხა. ზალალის საქმე მას მერე ცუდად წავიდა, ზედიზედ რამდენიმე ბრძოლა დათმო და ორგანიზაციიდან გააგდეს. თუმცა, არ გატყდა - სხვა ორგანიზაციაში ზედიზედ5 მოგება მოიპოვა - მათ შორის თითო-თითო კრივსა და ქიქბოქსინგში. ზალალი UFC-ში დაბრუნდა და ბილი კარანტილო დაამარცხა, შემდგომ ერენსიც მიაყოლა და უმაგრეს ფორმაში შევიდა.

ჯეკ შორი ამ ბოლო დროს გაფუჭდა. რიკი სიმონთან განცდილი მარცხის შემდეგ ფორმაში დაბრუნება უჭირს. ამირხანი კი დაამარცხა მაგრამ ბოლო დაპირისპირებაში ჟოანდერსონ ბრიტოსთანაც დათმო ბრძოლა. ვფიქრობ, რომ ამ ბრძოლაშიც ზალალმა უნდა მოახერხოს გამარჯვების მოპოვება, თუმცა ძალიან დაძაბული ორთაბრძოლ რომ იქნება, ამაზე ორი აზრი არ არის. შორი ძირითადად ჭიდაობს, ამიტომ, ვფიქრობ, რომ ზალალი მის დაჯაბნას დგომში შეეცდება.