ატლეტიკო მადრიდისა და არგენტინის ეროვნული ნაკრების შემტევმა ხულიან ალვარესმა მედიასთან საკმაოდ საინტერესო კომენტარი გააკეთა.
"არ ვფიქრობ, რომ ახლა ამის შესახებ საუბრის დროა, მაგრამ არც მისი დამალვა შემიძლია და სხვანაირადაც ვერ მოვიქცევი.
ვცდილობ, გულწრფელი ვიყო და კლუბში იმ ადამიანებთანაც გულწრფელად ვილაპარაკე, ვისთანაც საჭირო იყო საუბარი.
ვფიქრობ, საუკეთესო გადაწყვეტილება ყველასთვის ტრანსფერია და მინდა ჩემი ოცნება ავიხდინო.“
გავლენიან წყაროებზე დაყრდნობით, ხულიან ალვარესს კარიერის გაგრძელება მხოლოდ ბარსელონაში სურს. შესაბამისად, უახლოეს დღეებში არგენტინელის კატალონიურ კლუბში შესაძლო ტრანსფერთან დაკავშირებით უფრო მეტი ინფორმაცია გახდება ცნობილი.
