ლეგენდარულმა ხუან რომან რიკელმემ ლიონელ მესის შესახებ ისაუბრა. ვეტერანმა ფეხბურთელმა აღნიშნა, არგენტინაში არავის ეგონა, რომ ქვეყანას ეყოლებოდა დიეგო მარადონაზე უკეთესი მოთამაშე, მაგრამ შემდეგ გამოჩნდა "ლა პულგა", რომელმაც ხალხს აზრი შეაცვლევინა.
"გაგვიმართლა, რომ მესის ეპოქაში ვცხოვრობთ. როდესაც გვყავდა მარადონა, ვფიქრობდით, რომ მასზე უკეთესი ფეხბურთელი აღარასდროს დაიბადებოდა. შემდეგ გამოჩნდა ლეო, რომელმაც გვაფიქრებინა: დიეგოზე უკეთესი ხომ არ არის ის?! საოცარია, რაც მან არგენტინის ეროვნული გუნდისთვის გააკეთა.
ასევე მინდა მადლობა მოვუხადო იმ მწვრთნელებს, ვინც "ალბისელესტეს" მოუტანა წარმატება, რა თქმა უნდა, სკალონის ჩათვლით. ის ერთ-ერთი საუკეთესოა. საოცრებაა, როცა ვუფიქრდები, რომ მე, სამუელი, აიმარი და ლიონელი ერთად გავიზარდეთ. 14 წლიდან ვიცნობთ ერთმანეთს", - განაცხადა არგენტინელმა ექს-ფლეიმეიქერმა.
