ინგლისის ეროვნული ნაკრების დამარცხების და მუნდიალის ფინალში გასვლის შემდეგ, არგენტინის ეროვნული ნაკრების კაპიტანმა, ლიონელ მესიმ კომენტარი გააკეთა.
"არგენტინელ გულშემატკივრებს კვლავ იმავეს ვეტყვი, რაც კატარში — მიიღეთ სიამოვნება, რადგან ეს გუნდი არასოდეს დაგაღალატებთ. ამ წარმოუდგენელ მსოფლიო ჩემპიონატზე კიდევ ერთ ფინალში გასვლა საოცარი განცდაა. მატჩის დაწყებამდე, ჩვენი ჰიმნის აჟღერებისთანავე ვიგრძენით, რომ ეს უბრალო თამაში არ იქნებოდა. ეს იყო გამარჯვება, რომელსაც ჩვენი ხალხი მთელი გულით ელოდა."
"ზედიზედ ხუთი ფინალის, მათ შორის მუნდიალის ზედიზედ ორი ფინალის საგზურის მოპოვება ნამდვილი სიგიჟეა. ბოლო ოთხი წელია, მსოფლიოში საუკეთესოები ვართ და ვისაც არ უნდა სწყინდეს, მოედანზე ყოველთვის ვამტკიცებთ, რომ არავინ არაფერს გვჩუქნის. ამ ტურნირისთვის თითქმის მთელი წელი ვემზადებოდი, დეკემბერშიც კი ყოველდღიურად, დაუღალავად ვვარჯიშობდი, რადგან მსურდა, ჩემპიონატს იდეალურ ფორმაში შევხვედროდი."
"საკუთარ გუნდში ეჭვი არასდროს შემპარვია. მიუხედავად იმისა, რომ ტურნირი გარკვეული კითხვის ნიშნებითა და ტრავმებით დავიწყეთ, ერთიანობამ კვლავ განსაკუთრებული ძალა მოგვცა. ახლა წინ მხოლოდ ერთი, გადამწყვეტი ნაბიჯი და ერთი შეხვედრაა დარჩენილი, სადაც მიზნის მისაღწევად მოედანზე ყველაფერს დავტოვებთ“ — ლიონელ მესი.
2026 წლის მსოფლიო ჩემპიონატის ფინალური მატჩი, სადაც ერთმანეთს არგენტინა და ესპანეთი დაუპირისპირდებიან 19 ივლისს გაიმართება.
იხილეთ ჩვენი პოდკასტის მორიგი ეპიზოდი
