ცნობილმა ჟურნალისტმა, ალან ნიქსონმა გიორგი მამარდაშვილის მომავლის თაობაზე ვარაუდი გამოთქვა. მისი მტკიცებით, საკმაოდ მაღალია იმის ალბათობა, რომ ლივერპულმა ქართველი გოლკიპერი განათხოვრების წესით 1 სეზონით სხვა კლუბში გაუშვას.
"ლივერპულში მამარდაშვილის თაობაზე უკვე მიიღეს საბოლოო გადაწყვეტილება - მას იჯარით სხვა გუნდში გაუშვებენ. დიახ, გასულ სეზონში გიორგის ჰქონდა გარკვეული სათამაშო პრაქტიკა, მაგრამ როგორც ჩანს, ახალ კლუბს მას მაინც მოუძებნიან. ამ ყველაფრის მიზეზი არის ალისონი, რომელიც მერსისაიდში დარჩება.
დიახ, იყო საუბრები, თითქოს ბეკერი დატოვებდა "წითლებს" და კარიერას გააგრძელებდა იუვენტუსში, თუმცა ეს ვარიანტი გამოირიცხა. აქედან გამომდინარე, ქართველი გოლკიპერის განათხოვრების წესით გაშვება მართლაც რეალურია", - განაცხადა ინგლისელმა ჟურნალისტმა.
