ლუიშ ფიგუმ ოქროს ბურთის მთავარი ფავორიტები დაასახელა. ვეტერანმა ფეხბურთელმა ახსენა რამდენიმე მოთამაშე, მაგალითად, ლიონელ მესი, კილიან მბაპე, ჰარი კეინი და როდრი ერნანდესი, მაგრამ არა ხვიჩა კვარაცხელია. პორტუგალიელმა ექს-ვინგერმა პარი სენ-ჟერმენიდან უსმან დემბელეს კანდიდატურაც წამოაყენა.
"არის სამი ან ოთხი ფეხბურთელი, ვინც ოქროს ბურთის რეალური ფავორიტია. მესიმ და მბაპემ ძალიან კარგად ითამაშეს მსოფლიო ჩემპიონატზე, როდრიმ და იამალმა კი ის მოიგეს. არ შემიძლია დავივიწყო წყვილი ბაიერნიდანაც: კეინი და ოლისე. აუცილებლად სახსენებელია ვინმე პარი სენ-ჟერმენიდანაც, მაგალითად, დემბელე", - განაცხადა მადრიდის რეალის ექს-ვინგერმა.
შეგახსენებთ, რომ ოქროს ბურთის დაჯილდოება გაიმართება 26 ოქტომბერს, ლონდონში. უკვე ცნობილია 30 ნომინანტი და მათ შორის ქართველი ვინგერიც ფიგურირებს. უკანასკნელი მონაცემების მიხედვით, ბალონ დ'ორის მოგების ფავორიტები კეინი და ლამინი არიან.
