კარლოს ტევესს ჰკითხეს, თუ რომელი მანჩესტერული გუნდია უფრო დიდი - იუნაიტედი თუ სიტი. შეგახსენებთ, რომ ვეტერანი ფეხბურთელი სხვადასხვა დროს თამაშობდა როგორც "ეშმაკებში", ისე "ქალაქელებშიც". არგენტინელი ექს-ფორვარდის თქმით, დღეს აღნიშნული კლუბები უკვე თანაბარ დონეზე არიან.
"2007 წელს, იუნაიტედისა და სიტის შედარება იყო სიგიჟე, თუმცა 2026-ში სიტუაცია სხვანაირია. ისტორიულად, გასაგებია, თუ რომელი გუნდია უფრო დიდი, მაგრამ "ქალაქელებიც" გაიზარდნენ. დღეს, აღნიშნული კლუბები უკვე თანაბარ დონეზე განიხილებიან. თუ ახსენებ მანჩესტერს, აუცილებლად გკითხავენ, თუ რომელ გუნდს გულისხმობ.
დიახ, ადრე ეს ქალაქი ფეხბურთში ასოცირდებოდა მხოლოდ "ეშმაკებთან", თუმცა დრო შეიცვალა. შესადარებელი გახდა ბევრი რამ, წარსულში კი ამის საშუალება უბრალოდ არ იყო. ამ საკითხთან დაკავშირებით არ მაქვს პრობლემა, რადგან ვიყავი როგორც წითელ, ისე ლურჯ მხარეშიც", - განაცხადა არგენტინის ეროვნული გუნდის ექს-ფორვარდმა.
